ന്യൂഡൽഹി: ഈ വർഷത്തെ സിവില്‍ സര്‍വിസ് പ്രിലിമിനറി പരീക്ഷ തീയതി മാറ്റി. ലോക്സഭ തെരഞ്ഞെടുപ്പ് കണക്കിലെടുത്താണ് പരീക്ഷ തീയതി മാറ്റിയത്. മെയ് 26-ന് നിശ്ചയിച്ച പരീക്ഷ ജൂണ്‍ 16ലേക്കാണ് മാറ്റിയത്. യൂണിയൻ പബ്ലിക് സർവ്വീസ് കമ്മീഷനാണ് ഇത് സംബന്ധിച്ച വിവരങ്ങൾ അറിയിച്ചത്.
സെപ്റ്റംബർ 20 മുതൽ അഞ്ചു ദിവസങ്ങളിലാണ് സിവിൽ സർവിസ് മെയിൻ പരീക്ഷ നടക്കുന്നത്. പ്രിലിമിനറി, മെയിൻ, അഭിമുഖം എന്നിങ്ങനെ മൂന്ന് ഘട്ടങ്ങളിലായാണ് സിവില്‍ സര്‍വിസ് പരീക്ഷ നടക്കുന്നത്. പ്രിലിമിനറി പരീക്ഷയിൽ നിശ്ചിത കട്ട് ഓഫ് മാര്‍ക്ക് നേടുന്നവർ മെയിൻ പരീക്ഷക്ക് യോഗ്യത നേടാൻ സാധിക്കും.
