ജയ്പൂർ: ഐപിഎല്ലിൽ അനുകൂലമായി ടോസ് ലഭിക്കാൻ സഞ്ജു എന്ത് ടെക്നിക്കാണ് പ്രയോഗിക്കുന്നതെന്ന് ചോദിച്ച് അവതാരകൻ സഞ്ജയ് മഞ്ജരേക്കർ. ലക്നൗ- രാജസ്ഥാൻ റോയൽസ് പോരാട്ടത്തിന്റെ ടോസിനിടെയാണ് അവതാരകന്റെ തമാശ രൂപേണയുള്ള ചോദ്യം. ടോസിൽ നാണയം മുകളിലേക്ക് എറിഞ്ഞത് സഞ്ജുവായിരുന്നു. ലക്നൗ ക്യാപ്റ്റൻ കെ.എൽ. രാഹുൽ ഹെഡ്സ് വിളിച്ചു.
ടോസ് രാജസ്ഥാന് അനുകൂലമായതോടെയാണ് മഞ്ജരേക്കറിന്റെ ചോദ്യമെത്തിയത്. എന്നാൽ, കോയിൻ പുതിയതായതിനാൽ ചുമ്മാ നോക്കുകമാത്രമാണ് ചെയ്തതെന്ന് സഞ്ജു നൽകി മറുപടി. ടോസ് നേടിയ രാജസ്ഥാൻ റോയൽസ് ക്യാപ്റ്റൻ മത്സരത്തിൽ ബാറ്റിംഗ് തെരഞ്ഞെടുത്തു.
സീസണിലെ ആദ്യ മത്സരത്തിൽ തന്നെ അർദ്ധസെഞ്ച്വറിയുമായി സഞ്ജു തിളങ്ങി. 33 പന്തിൽ നിന്ന് അർദ്ധ ശതകം കുറിച്ച സഞ്ജുവിന്റെ ഇന്നിംഗ്സിൽ നാല് സിക്സറുകളും 3 ബൗണ്ടറികളും ഉൾപ്പെടുന്നു. 82 റൺസ് നേടിയ സഞ്ജുവാണ് രാജസ്ഥാന്റെ ടോപ് സ്കോറർ.
