തിരുവനന്തപുരം: കൗശിക് ഗംഗോപാധ്യായയുടെ ഏറ്റവും പുതിയ പുസ്തകമായ ‘ദ മെജോറിറ്റേറിയൻ മിത്ത് ‘ അടിസ്ഥാനമാക്കി ചർച്ച സംഘടിപ്പിച്ച് ഭാരതീയ വിചാരകേന്ദ്രം. മാർച്ച് 30ന് വൈകിട്ട് 6ന് തിരുവനന്തപുരത്ത് സംസ്‌കൃതി ഭവനിലാണ് സംവാദ പരിപാടി നടക്കുന്നത്.
ഭൂരിപക്ഷവും ന്യൂനപക്ഷവും തമ്മിലുള്ള താരതമ്യം ലോകമെമ്പാടും പ്രത്യേകിച്ച് ഭാരതത്തിൽ ഏറെ ചർച്ച ചെയ്യപ്പെടുന്ന വിഷയമാണ്. ന്യൂനപക്ഷങ്ങളെ അടിച്ചമർത്തുന്നത് ഭൂരിപക്ഷമാണെന്ന് അശാസ്ത്രീയ വിശ്വാസം വ്യാപകമായി പ്രചരിക്കുകയും നിലനിൽക്കുകയും ചെയ്യുന്നു.
ഭൂരിപക്ഷമായതിന്റെ പേരിൽ കുറ്റപ്പെടുത്തലുകൾ കേൾക്കുന്ന വിഭാഗമാണ് ഭാരതത്തിലെ ഹിന്ദുക്കൾ. ‘ഭൂരിപക്ഷവും ന്യൂനപക്ഷവും’ എന്ന പദം ഉപയോഗിച്ചാണ് ന്യൂനപക്ഷങ്ങൾക്കൊപ്പം നിൽക്കുന്ന ഇടതുപക്ഷ പണ്ഡിതന്മാരും ബുദ്ധിജീവികളും ഹിന്ദുക്കളെ കുറ്റപ്പെടുത്തുന്നത്. ഇതെല്ലാം വിശദമായി ചർച്ച ചെയ്യുന്ന പുസ്തകമാണ് കൗശിക് ഗംഗോപാധ്യായയുടെ ഏറ്റവും പുതിയ പുസ്തകമാണ് ‘ദ മെജോറിറ്റേറിയൻ മിത്ത്
പുസ്തകത്തിന്റെ രചയിതാവ് പ്രൊഫ.കൗശിക് ഗംഗോപാധ്യായും ചർച്ചയിൽ പങ്കെടുക്കും, ഇഗ്‌നോ റീജിയണൽ ഡയറക്ടർ ഡോ. ആർ രാജേഷ് ഗംഗോപാധ്യായയുമായി സംവദിക്കും. സാമ്പത്തിക ശാസ്ത്രജ്ഞൻ കൂടിയായ കൗശിക് ഗംഗോപാധ്യായ കോഴിക്കോട് ഐഐഎമ്മിലെ പ്രൊഫസറാണ്.
