തിരുവനന്തപുരം: നെയ്യാറ്റിൻകരയിൽ യുവാവിനെ വെട്ടിക്കൊലപ്പെടുത്തി. ഊരൂട്ടുകാല സ്വദേശി ആദിത്യൻ(23) ആണ് കൊല്ലപ്പെട്ടത്. ഇന്ന് രാത്രി 7.30ന് നെയ്യാറ്റിൻകരയ്‌ക്ക് സമീപം കൊടങ്ങാവിളയിൽ വച്ചായിരുന്നു സംഭവം. സമ്പത്തിക ഇടപാടുമായി ബന്ധപ്പെട്ടുണ്ടായ തർക്കമാണ് കൊലപാതകത്തിൽ കലാശിച്ചതെന്നാണ് വിവരം.
ആദിത്യൻ മൈക്രോ ഫിനാൻസ് ഏജന്റാണ്. നെല്ലിമൂട് എന്ന സ്ഥലത്ത് കഴിഞ്ഞ ദിവസം പണം പിരിക്കാൻ പോയ സമയത്ത് അവിടെ ചിലരുമായി തർക്കമുണ്ടായിരുന്നു. ഈ തർക്കമാണ് കൊലപാതകത്തിൽ കലാശിച്ചതെന്നാണ് വിവരം. കൊലപാതകത്തിന് പിന്നിൽ നെല്ലിമൂടുള്ള സംഘമാണെന്നാണ് പൊലീസിന്റെ പ്രാഥമിക നിഗമനം.
