രാജ്യം ലോക്‌സഭാ തെരഞ്ഞെടുപ്പ് ചൂടിലാണ്. ഉയർന്ന താപനിലയെ അവഗണിച്ചും നേതാക്കൾ തെരഞ്ഞെടുപ്പ് പ്രചാരണത്തിനിറങ്ങുമ്പോൾ ബിജെപിയും ജനസമ്പർക്ക പരിപാടികളുടെ തിരക്കിലാണ്. രാജ്യത്തെ ജനങ്ങളുടെ ക്ഷേമത്തിനും വികസനത്തിനുമാണ് ജനസമ്പർക്ക പരിപാടികൾ പ്രാധാന്യം നൽകുന്നത്. പ്രചാരണത്തിനിറങ്ങുമ്പോൾ ഏതെങ്കിലും ചായക്കടയിൽ കയറി ചായയും കുടിച്ച് കയ്യും വീശി ഇറങ്ങി പോവുന്ന നേതാക്കൾ ഇന്ന് പതിവ് കാഴ്ചയാണ്. എന്നാൽ അതിൽ നിന്നെല്ലാം വിഭിന്നമായി ജനങ്ങൾക്കൊപ്പം നിന്ന് പ്രവർത്തിക്കുകയാണ് ഗൊരഖ്പൂർ മണ്ഡലത്തിലെ ബിജെപി എംപി രവി കിഷൻ.
സാധാരണ ഒരു ചായയും കുടിച്ച് ജനങ്ങളെ നോക്കി ചിരിച്ച് കയ്യും വീശി ഇറങ്ങി പോവുന്ന നേതാവല്ല അദ്ദേഹം. എല്ലാ തവണയും അദ്ദേഹത്തിനായി ചായയുണ്ടാക്കി നൽകുന്ന ചായക്കടക്കാരന് ഇപ്പോൾ അദ്ദേഹം ചായയുണ്ടാക്കി നൽകിയിരിക്കുകയാണ്. ഇതിന്റെ വീഡിയോയാണ് സമൂഹമാദ്ധ്യമങ്ങളിൽ വൈറലാവുന്നത്.
#WATCH | Lok Sabha elections 2024 | BJP sitting MP and candidate from Gorakhpur, Ravi Kishan prepared tea at a shop in his constituency earlier today, as part of ‘Jan Sampark Abhiyan’. pic.twitter.com/DlhdzQroEM
— ANI (@ANI) April 2, 2024
ഗൊരഖ്പൂരിലെ ഒരു ചായക്കടയിലേക്ക് കയറി ചെന്ന അദ്ദേഹത്തെ അണികളും കടയിലുണ്ടായിരുന്നവരും സ്വാഗതം ചെയ്തു. എന്നാൽ എല്ലാ തവണയും ചായയുണ്ടാക്കി തരുന്ന ചായക്കടക്കാരന് ഒരു സമ്മാനമെന്നോളം അദ്ദേഹത്തിന്റെ കയ്യാലുണ്ടാക്കിയ ചായയായിരുന്നു സമ്മാനിച്ചത്. ജനങ്ങളുടെ ക്ഷേമത്തിനായി ഗൊരഖ്പൂർ മണ്ഡലത്തിൽ തന്നെ മത്സരിക്കാൻ സാധിക്കുന്നതിന്റെ സന്തോഷവും അദ്ദേഹം പങ്കുവച്ചു. ജനങ്ങളുമായി സംവദിച്ച ശേഷമാണ് അദ്ദേഹം തെരഞ്ഞെടുപ്പ് പ്രചാരണങ്ങൾക്ക് തുടക്കം കുറിച്ചത്.
