ന്യുഡൽഹി: ആന്ധ്രാപ്രദേശ് മുൻ മുഖ്യമന്ത്രിയും തെലുങ്ക് ദേശം പാർട്ടിയുടെ അധ്യക്ഷനുമായ ചന്ദ്രബാബു നായിഡു ഇന്ന് 74 ആം പിറന്നാൾ ആഘോഷിക്കുകയാണ്. ഈ വേളയിൽ അദ്ദേഹത്തിന് ആശംസകൾ നേർന്ന് എത്തിയിരിക്കുകയാണ് പ്രധാനമന്ത്രി നരേന്ദ്രമോദി. ആന്ധ്രാപ്രദേശിന്റെ സമഗ്ര വികസനത്തിനായി തുടർച്ചയായി പ്രവർത്തിച്ച പരിചയസമ്പന്നനായ നേതാവാണെന്നാണ് നായിഡുവിനെ പ്രധാനമന്ത്രി മോദി വിശേഷിപ്പിച്ചത്.
” മുൻ ആന്ധ്രാപ്രദേശ് മുഖ്യമന്ത്രി ശ്രീ ചന്ദ്രബാബു നായിഡു ഗാരുവിന് ജന്മദിനാശംസകൾ. പരിചയസമ്പന്നനായ ഒരു നേതാവ് എന്നതിലുപരി ആന്ധ്രാപ്രദേശിന്റെ സർവതോന്മുഖമായ പുരോഗതിക്കായി സ്വയം സമർപ്പിച്ച വ്യക്തിയാണ് അദ്ദേഹം. ജനസേവനത്തിനായി അദ്ദേഹത്തിന് ദീർഘായുസ്സും ആരോഗ്യവുമുണ്ടാകട്ടെ എന്ന് പ്രാർത്ഥിക്കുന്നു” പ്രധാനമന്ത്രി എക്‌സിൽ കുറിച്ചു .
Birthday wishes to former Andhra Pradesh CM Shri @ncbn Garu. An experienced leader, he has always devoted himself towards AP's all round progress. I pray that he is blessed with a long and healthy life in service of the people.
— Narendra Modi (@narendramodi) April 20, 2024
1995 മുതൽ 2004 വരെ മുഖ്യമന്ത്രിയായിരുന്ന നായിഡുവിന്റെ ഭരണകാലം ആധുനികവൽക്കരണവും സാമ്പത്തിക വളർച്ചയും ലക്ഷ്യമിട്ടുള്ള സംരംഭങ്ങളാൽ അടയാളപ്പെടുത്തിയിരുന്നു, പ്രത്യേകിച്ച് വിവരസാങ്കേതികവിദ്യ പോലുള്ള മേഖലകളിൽ. ഹൈദരാബാദിൽ ഹൈടെക് സിറ്റി സ്ഥാപിക്കുന്നത് ഉൾപ്പെടെയുള്ള അദ്ദേഹത്തിന്റെ ശ്രമങ്ങൾ സംസ്ഥാനത്തിന്റെ അടിസ്ഥാന സൗകര്യങ്ങളിലും സമ്പദ്‌വ്യവസ്ഥയിലും ശാശ്വതമായ സ്വാധീനം ചെലുത്തിയിരുന്നു.
