മലപ്പുറം: കരിപ്പൂർ അന്താരാഷ്ട്ര വിമാനത്താവളത്തിൽ സ്വർണം പിടികൂടി. അബുദാബിയിൽ നിന്നെത്തിയ കൊടുവള്ളി സ്വദേശിയിൽ നിന്ന് 1.50 കിലോ ഗ്രാം സ്വർണമാണ് പിടികൂടിയത്. മിക്സർ ഗ്രൈൻഡറിൽ ഒളിപ്പിച്ച നിലയിൽ ആയിരുന്നു സ്വർണം. ഡിആർഐയും കസ്റ്റംസും നടത്തിയ സംയുക്ത പരിശോധനയിലാണ് സ്വർണം പിടികൂടിയത്. വിപണിയിൽ 76.80 ലക്ഷം രൂപ വിലവരുന്ന സ്വർണമാണ് പിടിച്ചെടുത്തതെന്ന് കസ്റ്റംസ് അറിയിച്ചു.
