ചാഹൽ ചരിത്രം.! ഐപിഎൽ റെക്കോർഡ് ബുക്കിൽ രാജസ്ഥാൻ സ്പിന്നറുടെ ​ഗൂ​ഗ്ലി

രാജസ്ഥാൻ റോയൽസ് ലെ​ഗ്സ്പിന്നർ യുസ്വേന്ദ്ര ചാഹൽ ഐപിഎല്ലിൽ ചരിത്രത്തിലെ റെക്കോർഡ് ബുക്കിൽ ഇനി തലപ്പത്ത്. ക്രിക്കറ്റ് കാർണിവെല്ലിൽ 200 വിക്കറ്റ് നേടുന്ന ആദ്യ താരമാണ് ചാഹൽ. മുംബൈക്കെതിരായ മത്സരത്തിൽ മുഹമ്മദ് നബിയെ വീഴ്‌ത്തിയാണ് താരം നേട്ടം സ്വന്തമാക്കിയത്. സിമ്പിൾ റിട്ടേൺ ക്യാച്ചിലൂടെയാണ് അഫ്​ഗാൻ താരത്തെ പുറത്താക്കിയത്.

153 മത്സരത്തിൽ നിന്നാണ് ചാഹൽ ചരിത്ര നേട്ടം സ്വന്തമാക്കിയത്. മറികടന്നത് ഡ്വയ്ൻ ബ്രാവോ(183), പീയുഷ് ചൗള(181) എന്നിവരെയാണ്. എട്ടുവർഷത്തോളം ബെം​ഗളൂരുവിനായി കളിച്ച ചാഹൽ ആർ.സി.ബിക്ക് വേണ്ടി 100 വിക്കറ്റ് തികച്ച ഏക ബൗളറാണ്. 2014-2021 വരെയാണ് ചാഹൽ ആർ.സി.ബിക്ക് കളിച്ചത്. എന്നാൽ 2022ലെ മെ​ഗാ ലേലത്തിൽ ടീം താരത്തെ നിലനിർത്തിയില്ല.

പിന്നീട് ആർ.സി.ബിയുടെ നഷ്ടം രാജസ്ഥാന്റെ നേട്ടമാവുകയായിരുന്നു. 2022 സീസണിൽ ഏറ്റവും അധികം വിക്കറ്റ് നേടിയ ബൗളറായിരുന്നു ചാഹൽ. 17 മത്സരത്തിൽ നിന്ന് 27 വിക്കറ്റാണ് രാജസ്ഥാന് വേണ്ടി ചാഹൽ പിഴുതത്. ആ സീസണിൽ രാജസ്ഥാൻ ഫൈനലിലും കടന്നിരുന്നു.

First bowler in the history of IPL to take 200 wickets! 🙌

Congratulations Yuzvendra Chahal 👏👏

Watch the match LIVE on @JioCinema and @StarSportsIndia 💻📱#TATAIPL | #RRvMI | @yuzi_chahal pic.twitter.com/zAcG8TR6LN

— IndianPremierLeague (@IPL) April 22, 2024

“>