ആർ.സി.ബി സൂപ്പർ താരം വിരാട് കോലി ഐപിഎൽ ചരിത്രത്തിൽ മറ്റൊരു റെക്കോർഡ് കൂടി സ്വന്തം പേരിലാക്കി. ഐപിഎൽ ചരിത്രത്തിൽ 10 വ്യത്യസ്ത സീസണുകളിൽ 400 റൺസി‌ന് മുകളിൽ നേടിയ ആദ്യ ബാറ്ററാണ് കോലി. സൺറൈസേഴ്സിനെതിരായ മത്സരത്തിസലാണ് കോലി ഈ നേട്ടം സ്വന്തം പേരിലാക്കിയത്.
മിസ്റ്റർ ഐപിഎൽ സുരേഷ് റെയ്ന,ഡേവിഡ് വാർ‌ണർ എന്നിവരെയാണ് വിരാട് മറികടന്നത്. ഇരുവരും 9 തവണ നാനൂറോ അതിനു മുകളിലോ സ്കോർ ചെയ്തിട്ടുണ്ട്.2023, 2021, 2020, 2019, 2018, 2016, 2015, 2013, 2011 സീസണുകളിലാണ് കോലിയുടെ നേട്ടം.
2016 സീസണിൽ 81.08 ശരാശരിയിൽ വിരാട് 973 റൺസ് നേടിയിരുന്നു. നാല് സെഞ്ച്വറിയും 7 അർദ്ധ സെഞ്ച്വറിയുമടക്കമായിരുന്നു താരത്തിന്റെ പ്രകടനം. 246 ഐപിഎൽ മത്സരങ്ങളിൽ നിന്ന് 7,693 റൺസ് നേടിയ കോലിയുടെ ശരാശരി 38.27 ആണ്. എട്ടു സെഞ്ച്വറികളും 53 അർദ്ധശതകവുമടക്കമാണിത്.
