പാലക്കാട്: വൈദ്യുതി മന്ത്രി വോട്ട് ചെയ്യാനെത്തിയതിനു പിന്നാലെ പോളിങ് ബൂത്തിലെ കറണ്ട് പോയി. വണ്ടിത്താവളം കെകെഎം ഹയർസെക്കൻഡറി സ്കൂളിലെ പോളിങ് ബൂത്തിലായിരുന്നു സംഭവം. വോട്ട് ചെയ്യാനെത്തിയ മന്ത്രി കെ കൃഷ്ണൻകുട്ടി വിരലിൽ മഷി പതിപ്പിച്ചതിനു പിന്നാലെ കറന്റ് പോവുകയായിരുന്നു.
ക്യാമറകളുടെ ഫ്‌ളാഷ് ലൈറ്റുകളുടെ വെളിച്ചം മാത്രമായിരുന്നു മുറിയിൽ ഉണ്ടായിരുന്നത്. പുറത്തിറങ്ങിയ മന്ത്രി വിരലിലെ മഷിയടയാളം പകൽ വെട്ടത്തിൽ ക്യാമറയ്‌ക്ക്മുന്നിൽ കാട്ടിയതിന് ശേഷമാണ് മടങ്ങിയത്.
മന്ത്രി വന്നപ്പോൾ തന്നെ കറണ്ട് പോയത് പോളിംഗ് ഡ്യൂട്ടിയിലുണ്ടായിരുന്ന ഉദ്യോഗസ്ഥരെയും ആശങ്കയിലാക്കി. കറണ്ട് പോയ സമയത്തും മന്ത്രിക്കൊപ്പം വോട്ട് ചെയ്യാൻ വോട്ടർമാരുടെ ക്യൂ ഉണ്ടായിരുന്നു. കറണ്ട് പോയതിന്റെ കാരണവും വ്യക്തമല്ല.
