കണ്ണൂർ: ബസ് ഓടിക്കുന്നതിനിടയിൽ ഡ്രൈവർ കുഴഞ്ഞു വീണ് മരിച്ചു. കണ്ണൂർ ഉരവുച്ചാലിൽ ബസ് ഡ്രൈവറായ തളിപ്പറമ്പ് സ്വദേശി ദിനേശാണ് മരിച്ചത്. ഡ്രൈവർ കുഴഞ്ഞു വീഴുന്നതിനിടയിൽ നിയന്ത്രണം വിട്ട ബസ് റോഡരികിലേക്ക് ഇടിച്ചു കയറുകയായിരുന്നു.
യാത്രക്കാർക്ക് ആർക്കും അപകടത്തിൽ പരിക്കില്ല. ഇന്ന് ഉച്ചക്കായിരുന്നു സംഭവം. കണ്ണൂർ വിമാനത്താവളത്തിലെ സിഐഎസ്എഫ് ഉദ്യോഗസ്ഥരെ കൊണ്ടുപോയ ബസാണ് നിയന്ത്രണം വിട്ടത്. റോഡരികിൽ ഇടിച്ചു കയറിയ ബസിന്റെ മുൻഭാഗവും തകർന്നു. അപകടത്തെ തുടർന്ന് സ്ഥലത്ത് പൊലീസെത്തി പരിശോധനകൾ നടത്തി.
