ന്യൂഡൽഹി: ആത്മനിർഭര ഭാരതത്തിലേക്കുള്ള സുപ്രധാന ചുവടുവയ്പ്പായി രാജ്യം. ഇന്ത്യയുടെ ആദ്യ തദ്ദേശീയ ചാവേർ ഡ്രോണായ (loiter munitions) നാഗാസ്ത്ര-1 സൈന്യത്തിന് കൈമാറി. നാഗ്പൂരിലെ സോളാർ ഇൻഡസ്ട്രീസാണ് നാഗാസ്ത്ര-1 വികസിപ്പിച്ചത്.
The first indigenous Loitering Munition, Nagastra–1, developed by Solar Industries, Nagpur, has been delivered to the Indian Army. The Indian Army has placed an order to Solar Induatries’ Economics Explosives Ltd (EEL) to supply 480 Loiter Munitions under Emergency Procurement… pic.twitter.com/ClHofB7EOE
— ANI (@ANI) June 14, 2024
സോളാർ ഇൻഡസ്ട്രീസിന്റെ അനുബന്ധ കമ്പനിയായ ഇക്കണോമിക്സ് എക്സ്പ്ലോസീവ്സ് ലിമിറ്റഡ് (EEL) 480 ചാവേർ ഡ്രോണുകൾ സൈന്യത്തിന് കൈമാറി. 120 യൂണിറ്റ് ഡ്രോണുകളുടെ ആദ്യ ബാച്ച് മെയ് 20-25 കാലയളവിൽ കൈമാറിയിരുന്നു. ഇത് മഹാരാഷ്‌ട്രയിലെ പുൽഗാവിലെ ഡിപ്പോയിൽ സൂക്ഷിച്ചിരിക്കുകയാണ്. ബെംഗളൂരുവിലെ Z-Motion Autonomous Systems പ്രൈവറ്റ് ലിമിറ്റഡുമായി സഹകരിച്ചാണ് നാഗാസ്ത്ര-1 നാഗ്പൂരിലെ സോളാർ ഇൻഡസ്ട്രീസ് വികസിപ്പിച്ചത്.
#WATCH | The first indigenous Loitering Munition, Nagastra–1, developed by Solar Industries, Nagpur, has been delivered to the Indian Army
Nagastra -1, in a ‘kamikaze mode’ can neutralize any hostile threat with GPS-enabled precision strike with an accuracy of 2m. The… pic.twitter.com/kWeehBMGvW
— ANI (@ANI) June 14, 2024
ജിപിഎസ് ഉപയോഗിച്ച് കൃത്യതയോടെ ശത്രുവിനെ കണ്ടെത്തി നിർവീര്യമാക്കാൻ നാഗാസ്ത്ര-1ന് കഴിയും. ഒമ്പത് കിലോഗ്രാമാണ് ഈ ഇന്ത്യൻ നിർമിത ചാവേർ ഡ്രോണിന്റെ ഭാരം. 15 കിലോമീറ്റർ റേഞ്ചിലേക്ക് ഡ്രോൺ തൊടുത്തുവിടാനാകും. വളരെ ചെറിയ തോതിലുള്ള തരംഗങ്ങൾ മാത്രം സൃഷ്ടിക്കുന്നതിനാൽ 200 മീറ്റർ ആൾട്ടിറ്റ്യൂഡിന് മുകളിലായി തിരിച്ചറിയപ്പെടാത്ത വിധം പറക്കാനും ഡ്രോണിന് കഴിയും. ഒരു കിലോ ഗ്രാം തൂക്കമുള്ള മാരക സ്ഫോടകവസ്തുക്കളെ വഹിക്കാനുള്ള ശേഷിയുമുണ്ട്. രാത്രിയും പകലും വ്യക്തമായ കാഴ്ച നൽകുന്ന നിരീക്ഷണ കാമറകളടങ്ങുന്നതാണ് ഡ്രോൺ. കടുത്ത താപനിലയിലും ഡ്രോൺ പ്രവർത്തിക്കുന്നതാണ്. ഉയർന്ന ആൾട്ടിറ്റ്യൂഡുകളിലും നാഗാസ്ത്ര-1 പ്രവർത്തനക്ഷമമാകും.
താരതമ്യേന തീവ്രത കുറഞ്ഞ ഭീഷണികൾക്കെതിരെ പ്രയോഗിക്കാവുന്ന ചെലുകുറഞ്ഞ പ്രതിരോധ മാർഗമായി ചാവേർ ഡ്രോണുകൾ ഉപയോഗിക്കാം. ശത്രുവിനെ കേന്ദ്രീകരിച്ച് ഡ്രോൺ അയച്ചതിന് ശേഷം ആവശ്യമെങ്കിൽ ദൗത്യം ഉപക്ഷേക്കാനും (abort) ഡ്രോൺ തിരിച്ചെടുക്കാനും പുനരുപയോഗിക്കാനും സാധിക്കുമെന്നതാണ് ഏറ്റവും വലിയ സവിശേഷത. ശത്രുക്കളുടെ പരിശീലന കാമ്പുകൾ, ലോഞ്ച് പാഡുകൾ, എന്നിവയ്‌ക്കെതിരെയും നുഴഞ്ഞുകയറ്റക്കാർക്കെതിരെയും പ്രയോഗിക്കാൻ ഉചിതമായ പ്രതിരോധ സംവിധാനമാണ് നാഗാസ്ത്ര-1.
