ഇന്ത്യൻ മുൻതാരം വിരേന്ദർ സെവാഗിന് പരോക്ഷ മറുപടിയുമായി ബംഗ്ലാദേശ് താരം ഷാക്കിബ് അൽ ഹസൻ. ടി20 ലോകകപ്പിൽ ഷാക്കിബിന്റെ മോശം ഫോമിനെ വിമർശിച്ച് സെവാഗ് രംഗത്തു വന്നിരുന്നു. ഇതാണ് ഇടം കൈയൻ ബാറ്ററെ ചൊടിപ്പിച്ചത്. ഷാക്കിബിനെ ബംഗ്ലാദേശ് ഇനിയും ചുമക്കരുതെന്നും ഇനിയും ടി20 കളിക്കാൻ ഷാക്കിബിന് നാണമില്ലേയെന്നും സെവാഗ് തുറന്നടിച്ചിരുന്നു. ‘നിങ്ങൾ ഗിൽക്രിസ്റ്റോ ഹെയ്ഡനോ അല്ല. ഹൂക്കും പുള്ളുമൊന്നും നിങ്ങളുടെ ശക്തിയല്ല. നിങ്ങളൊരു ബംഗ്ലാദേശി താരമാണ്, അപ്പോൾ നിങ്ങളുടെ ശക്തിക്ക് അനുസരിച്ച് വേണം കളിക്കാൻ”—എന്നായിരുന്നു സെവാഗിന്റെ വിമർശനം.
തെതർലൻഡിനെതിരെ അർദ്ധ സെഞ്ച്വറി നേടിയ ശേഷമായിരുന്നു താരത്തിന്റെ മറുപടി. ‘ഒരു താരം ആരുടെയും ചോദ്യത്തിന് മറുപടി നൽകേണ്ട കാര്യമില്ല. അയാളുടെ ജോലി ബാറ്റിംഗാണെങ്കിൽ ടീമിന് കൂടുതൽ റൺസ് സംഭാവന നൽകണം, ബൗളറാണെങ്കിൽ നന്നായി ബൗൾ ചെയ്യുക, വിക്കറ്റ് നേടുക.
ഫീൾഡറാകുമ്പോൾ ക്യാച്ചുകൾ കൈവിടാതെ റൺസുകൾ സേവ് ചെയ്യുക. ഒരുത്തനും മറുപടി നൽകേണ്ട കാര്യമില്ല. പ്രതീക്ഷയ്ക്കൊത്ത പ്രകടനം കാഴ്ചവയ്ക്കാനായില്ലെങ്കിൽ വിമർശനങ്ങൾ ഉയരും ചോദ്യങ്ങളുണ്ടാകും അതൊരു മോശം കാര്യമാണെന്ന് ചിന്തിക്കുന്നില്ല–ഷാക്കിബ് പറഞ്ഞു. ഇതിനിടെ സെവാഗിന്റെ വിമർശനത്തെക്കുറിച്ച് ചോദിച്ചപ്പോഴാണ് അതാരാണെന്ന് ഷാക്കിബ് മാദ്ധ്യമപ്രവർത്തകനോട് ചോദിച്ചത്. ഇതിന്റെ വീഡിയോകൾ സോഷ്യൽ മീഡിയയിൽ പ്രചരിച്ചു.
Shakib Al Hasan, the most arrogant cricketer in the his history.
Journalist: There has been lot of discussions about your performance especially criticize by Virendra Sehwag”
Shakib: Who is Sehwag?
pic.twitter.com/wtqlGrdeX3— Farrago Abdullah Parody (@abdullah_0mar) June 14, 2024
“>