ന്യൂഡൽഹി: ഇന്ത്യയുടെ സ്വപ്‌ന പദ്ധതിയായ ബുളളറ്റ് ട്രെയിൻ പദ്ധതി വേഗത്തിലാക്കാൻ തീരുമാനം. ജി 7 ഉച്ചകോടിയുടെ ഭാഗമായി ജപ്പാൻ പ്രധാനമന്ത്രി ഫ്യൂമിയോ കിഷിദയുമായി പ്രധാനമന്ത്രി നരേന്ദ്ര മോദി നടത്തിയ കൂടിക്കാഴ്‌ച്ചയിലാണ് പദ്ധതി വേഗത്തിലാക്കാൻ തീരുമാനിച്ചത്. നരേന്ദ്രമോദിയുടെ മൂന്നാമൂഴത്തിലും ജപ്പാൻ സർക്കാരിന്റെ എല്ലാ പിന്തുണയും നൽകുമെന്ന് ഫ്യൂമിയോ കിഷിദ ഉറപ്പ് നൽകി.
നിലവിൽ അഞ്ച് വർഷം വൈകിയെങ്കിലും പദ്ധതിയുടെ പുരോഗതിയിൽ ജപ്പാൻ അധികൃതർ നേരത്തെ സംതൃപ്തി പ്രകടിപ്പിച്ചിരുന്നു. പദ്ധതിക്ക് നേരിട്ടിരുന്ന തടസങ്ങൾ നീങ്ങിയതായും ജപ്പാൻ നേരത്തെ അറിയിച്ചിരുന്നു. 2022 – 2027 കാലയളവിൽ ജപ്പാൻ ഇന്ത്യയിൽ ലക്ഷ്യമിടുന്ന 5 ട്രില്യൺ യെൻ നിക്ഷേപത്തെക്കുറിച്ചും ഇന്ത്യ-ജപ്പാൻ വ്യാവസായിക പങ്കാളിത്തത്തെക്കുറിച്ചും ഇരുനേതാക്കളും സംസാരിച്ചു.
ഇന്ത്യയും ജപ്പാനും തമ്മിലുളള പ്രത്യേക തന്ത്രപ്രധാന ആഗോള പങ്കാളിത്തം പത്താം വർഷത്തിലേക്ക് കടന്നതായി നേതാക്കൾ ചൂണ്ടിക്കാട്ടി. അതിന്റെ പുരോഗതിയില്‍ ഇരു നേതാക്കളും സംതൃപ്തി രേഖപ്പെടുത്തി. സഹകരണം കൂടുതല്‍ ആഴത്തിലാക്കാനും പുതിയ മേഖലകളിലേക്ക് വ്യാപിപ്പിക്കാനും ഇരു നേതാക്കളും തീരുമാനിച്ചു. 3rd para
