‘ ഇത് എന്റെ ഏക മകൾ സൊനാക്ഷിയുടെ ജീവിതമാണ് ‘ ; വിവാഹത്തിൽ പങ്കെടുക്കുമെന്ന് പിതാവ് ശത്രുഘ്നൻ സിൻഹ

മകൾ സൊനാക്ഷി സിൻഹയുടെ വിവാഹത്തിൽ പങ്കെടുക്കുമെന്ന് പിതാവ് ശത്രുഘ്നൻ സിൻഹ. മകൾ തന്നോട് ഒന്നും പറഞ്ഞിട്ടില്ലെന്നും വിവാഹിതയാകുന്ന കാര്യം തനിക്ക് അറിയില്ലെന്നുമാണ് മുൻപ് നടനും തൃണമൂൽ എംപിയുമായ സിൻഹ പറഞ്ഞിരുന്നത് .

എന്നാൽ കഴിഞ്ഞ ദിവസം സ്വകാര്യ മാദ്ധ്യമത്തോട് സംസാരിക്കവേയാണ് താൻ മകളുടെ വിവാഹത്തിൽ പങ്കെടുക്കുമെന്ന് ശത്രുഘ്നൻ സിൻഹ പറഞ്ഞത്.

‘ ഇത് ആരുടെ ജീവിതമാണ്? ഇത് എന്റെ ഏക മകൾ സൊനാക്ഷിയുടെ ജീവിതമാണ്, അതിൽ ഞാൻ അഭിമാനിക്കുന്നു, ഞാൻ അവളെ വളരെയധികം സ്നേഹിക്കുന്നു. അവൾ എന്നെ അവളുടെ ശക്തിയുടെ സ്തംഭം എന്ന് വിളിക്കുന്നു. ഞാൻ തീർച്ചയായും വിവാഹത്തിൽ പങ്കെടുക്കും. ഞാൻ അത് ആഗ്രഹിക്കുന്നുണ്ട് . സൊനാക്ഷിയുടെ സന്തോഷമാണ് എനിക്ക് വലുത് . തന്റെ ജീവിത പങ്കാളിയെ തിരഞ്ഞെടുക്കാൻ സൊനാക്ഷിയ്‌ക്ക് എല്ലാ അവകാശവുമുണ്ട് ‘ ശത്രുഘ്നൻ സിൻഹ പറഞ്ഞു.

2023 മുതൽ ഒന്നിച്ച് കഴിയുന്ന ഇരുവരും ജൂൺ 23ന് വിവാഹിതരാകുമെന്നാണ് റിപ്പോർട്ട് .