തിരുവനന്തപുരം: സംസ്ഥാനത്ത് ക്ഷേമ പെൻഷന്റെ വിതരണം വ്യാഴാഴ്ച മുതൽ. ഒരു മാസത്തെ ക്ഷേമ പെൻഷൻ വിതരണത്തിന് തുക അനുവദിച്ചു. 1600 രൂപ വീതമാണ്‌ ഗുണഭോക്താക്കൾക്ക്‌ ലഭിക്കുന്നത്. ഇതിനായി 900 കോടി അനുവദിച്ചു.
ഇനി അഞ്ചു മാസത്തെ കുടിശികയാണ് ബാക്കിയുള്ളത്. അക്കൗണ്ട് നമ്പർ നൽകിയിട്ടുള്ളവർക്ക് അക്കൗണ്ട് വഴിയും മറ്റുള്ളവർക്ക് സഹകരണ സംഘങ്ങൾ വഴി നേരിട്ടുമായിരിക്കും പെൻഷൻ ലഭിക്കുന്നത്. അതാത് മാസത്തെ പെന്‍ഷൻ നല്‍കുമെന്ന് സംസ്ഥാന ബജറ്റില്‍ പ്രഖ്യാപിച്ചിരുന്നു. എന്നാൽ, ജൂൺ മാസത്തെ നൽകിയാലും ബാക്കി അഞ്ചുമാസത്തെ കുടിശിക നൽകാനുണ്ട്.
