ലിമ : ലാറ്റിൻ അമേരിക്കൻ രാജ്യമായ പെറുവിൽ വീണ്ടും ശക്തമായ ഭൂചലനം. റിക്ടർ സ്കെയിലിൽ 6.0 തീവ്രത രേഖപ്പെടുത്തിയ ഭൂചലനം ശനിയാഴ്ച ഉച്ചയ്ക്ക് പ്രാദേശിക സമയം 12.35 ഓടെയാണ് അനുഭവപ്പെട്ടത്.
60 കിലോമീറ്റർ ആഴത്തിലാണ് ഭൂകമ്പം അനുഭവപ്പെട്ടതെന്ന് നാഷണൽ സെൻ്റർ ഫോർ സീസ്മോളജി പറയുന്നു.ഭൂകമ്പത്തെത്തുടർന്ന് ആളപായമോ നാശനഷ്ടമോ റിപ്പോർട്ട് ചെയ്യപ്പെട്ടിട്ടില്ല.
ഇന്നലെയും രാജ്യത്തെ തെക്കുകിഴക്കൻ തീരത്ത് അതിശക്തമായ ഭൂചലനം അനുഭവപ്പെട്ടിരുന്നു. റിക്ടർ സ്കെയിലിൽ 7.2 തീവ്രത രേഖപ്പെടുത്തിയ ഭൂചലനം 28 കിലോമീറ്റർ ആഴത്തിലാണ് അനുഭവപ്പെട്ടത്. ഭൂകമ്പത്തിൽ ആളപായമോ മറ്റു നാശനഷ്ടമോ റിപ്പോർട്ട് ചെയ്യപ്പെട്ടിട്ടുണ്ടായിരുന്നില്ല.