സൂര്യന് ചുറ്റും ഹാലോ ഓർബിറ്റിൽ ആദ്യ ഭ്രമണം പൂർത്തിയാക്കി ഇന്ത്യയുടെ ആദ്യത്യ എൽ-1. രണ്ടാം ഹാലോ ഓർബിറ്റിലേക്ക് പേടകം കടന്നതായി ഇസ്രോ അറിയിച്ചു.
178 ദിവസമെടുത്താണ് പേടകം ഹാലോ ഓർബിറ്റിലെ സഞ്ചാരം പൂർത്തിയാക്കിയത്. നിരവധി പ്രതികൂല ഘട്ടങ്ങളെ അതിജീവിച്ചാണ് പേടകം ഭ്രമണം പൂർത്തിയാക്കിയത്. ഫെബ്രുവരി 22-നും ജൂൺ ഏഴിനും പേടകത്തെ ഓർബിറ്റിൽ തന്നെ നിലനിർത്തുന്നതിനായി പ്രത്യേക ക്രമീകരണങ്ങൾ നടത്തിയിരുന്നു.
ലാഗ്രഞ്ച് പോയിൻ്റിന് (എൽ1) ചുറ്റുമുള്ള സാങ്കൽപ്പിക ഭ്രമണപഥമാണ് ഹാലോ ഓർബിറ്റ്. ഭൂമിയുടെയും സൂര്യന്റെയും ഗുരുത്വ ബലം തുല്യമായി അനുഭവപ്പെടന്ന അഞ്ച് മേഖലകളിൽ ആദ്യത്തേതും ഭൂമിക്ക് ഏറ്റവും അടുത്തുള്ളതുമാണ് ലാഗ്രഞ്ച് 1. 2023 സെപ്റ്റംബർ രണ്ടിനായിരുന്നു ആദിത്യ എൽ-1 ന്റെ വിക്ഷേപണം. സൂര്യന്റെ ലാഗ്രഞ്ച് പോയിന്റിലെത്തുന്ന നാലമത്തെ രാജ്യമാണ് ഇന്ത്യ.
