പാത്രങ്ങളിലെ എണ്ണമയവും കറയുമാണോ പ്രശ്നം; പെട്ടെന്ന് കളയാം, ഈസിയായി..

എണ്ണ കൂടുതലായുള്ള ഭക്ഷണങ്ങൾ ഗ്ലാസ് പ്ലേറ്റുകളിലോ പ്ലാസ്റ്റിക് പാത്രങ്ങളിലോ കുറച്ചധികം സമയം വച്ചാൽ കറ പിടിക്കുന്നത് മിക്ക വീടുകളിലെയും പ്രശ്‌നമാണ്. എത്ര തേച്ചാലും ഉരച്ചാലും ഇത്തരം കറകൾ പോകുകയുമില്ല, പ്ലേറ്റുകളിൽ ഒരു എണ്ണമയവും ഉണ്ടായിരിക്കും. എന്നാൽ ഇനി അത്തരം പ്രശ്‌നങ്ങൾ നിസാരമായി പരിഹരിക്കാം. വീട്ടിലുള്ള വസ്തുക്കൾ വച്ച് തന്നെ കറകൾ അകറ്റാനുള്ള വഴികൾ ഇതാ..

ഉപ്പ്

കറകൾ പിടിച്ചിരിക്കുന്ന ഭാഗത്ത് ഉപ്പ് വിതറിയ ശേഷം അൽപനേരം വയ്‌ക്കുക. പിന്നീട് ഒരു സ്‌ക്രബർ ഉപയോഗിച്ച് നന്നായി ഉരയ്‌ക്കുക. ഈ പ്ലേറ്റുകൾ ചൂടുവെള്ളത്തിൽ അൽപനേരം മുക്കി വച്ച ശേഷം സോപ്പ് ഉപയോഗിച്ച് കഴുകി കളയാവുന്നതാണ്.

ചൂടുവെള്ളം

കറകളുള്ള പ്ലേറ്റുകൾ 15 മിനിറ്റോളം ചൂട് വെള്ളത്തിൽ മുക്കി വയ്‌ക്കുക. ശേഷം സോപ്പ് ഉപയോഗിച്ച് ഇത് തേച്ചുരച്ച് കഴുകി കളയാം.

വിനാഗിരി

ചൂടുവെള്ളത്തിൽ അൽപം വിനാഗിരി ഒഴിച്ച ശേഷം കറകളുള്ള പാത്രങ്ങൽ രണ്ട് മണിക്കൂർ നേരം മുക്കി വയ്‌ക്കുക. തുടർന്ന് സോപ്പ് ഉപയോഗിച്ച് ഇത് കഴുകാവുന്നതാണ്.

ബേക്കിംഗ് സോഡ

ബേക്കിംഗ് സോഡയും അൽപം ഉപ്പും ചേർത്ത് പേസ്റ്റ് രൂപത്തിലാക്കുക. എണ്ണക്കറയുള്ള ഭാഗത്ത് ഈ പേസ്റ്റ് നന്നായി തേച്ച് ഉരച്ചു കൊടുത്ത് കഴുകി കളയുക.