യാത്രകൾ ചെയ്യാൻ ഇഷ്ടപ്പെടുന്ന നടിമാരിലൊരാളാണ് സാറ അലി ഖാൻ. താൻ പോകുന്ന ഇടങ്ങളിലെ രസകരമായ നിമിഷങ്ങളും സന്തോഷകരമായ നിമിഷങ്ങളും സമൂഹ മാദ്ധ്യമങ്ങളിൽ പങ്കിടാനും താരം മുൻകൈ എടുക്കാറുണ്ട്. അത്തരത്തിൽ സമാധാനത്തോടെ കശ്മീർ താഴ്വാരങ്ങളിൽ സുഹൃത്തുക്കൾക്കൊപ്പം അവധിക്കാലം ആഘോഷിക്കുന്ന സാറയുടെ ചിത്രങ്ങളാണ് ഇപ്പോൾ സമൂഹമാദ്ധ്യമങ്ങളിൽ വൈറലാവുന്നത്.
‘A Piece of peace’ ( സമാധാനത്തിന്റെ ഒരു ഭാഗം) എന്ന അടിക്കുറിപ്പോടെയാണ് താരം ചിത്രങ്ങൾ പങ്കുവച്ചത്. പാറക്കെട്ടുകൾക്ക് മുകളിലിരുന്ന് നദിയിലെ വെള്ളം സുഹൃത്തുക്കൾക്ക് മേൽ തെറിപ്പിക്കുന്ന സാറ അലി ഖാനാണ് ചിത്രത്തിലുള്ളത്.
View this post on Instagram
കശ്മീരിലെ പ്രദേശവാസികൾക്കൊപ്പം അവിടുത്തെ പ്രാദേശിക ഭക്ഷണങ്ങളുടെ രുചിയറിഞ്ഞതിന്റെ സന്തോഷവും താരം പങ്കിട്ടു. യാത്രകൾ ചെയ്യാൻ ഇഷ്ടപ്പെടുന്നവർ ഒരിക്കലെങ്കിലും കാണേണ്ട സ്ഥലമാണ് ജമ്മുകശ്മീരെന്നും ശ്രീനഗറും അനന്ത്നാഗുമെല്ലാം പ്രത്യേക അനുഭൂതി നൽകുമെന്ന തരത്തിലുള്ള നിരവധി കമന്റുകളാണ് ചിത്രത്തിന് ലഭിച്ചത്. ഇൻസ്റ്റഗ്രാമിൽ പങ്കുവച്ച ചിത്രങ്ങൾ നിമിഷ നേരത്തിനുള്ളിലാണ് വൈറലായത്.
