ഒളിമ്പ്യന് റെയിൽവെയുടെ സർപ്രൈസ്! ഇനി സ്വപ്നിൽ ടിടിഇ അല്ല! അതുക്കും മേലെ

പാരിസ് ഒളിമ്പിക്സിലെ മെഡൽ ജേതാവ് സ്വപ്നിൽ കുശാലെയ്‌ക്ക് റെയിൽവെയുടെ സർപ്രൈസ് സമ്മാന. ട്രാവലിം​ഗ് ടിക്കറ്റ് എക്സാമിനർ(ടിടിഇ) ആയിരുന്ന ഷൂട്ടറെ ഡബിൾ പ്രമോഷൻ നൽകി ​ഗസറ്റഡ് റാങ്കിലേക്ക് നിയമിച്ചു. സെൻട്രൽ റെയിൽവെ ഡിവിഷനിലാണ് താരം ജോലി ചെയ്യുന്നത്. മുംബൈയിലെ സ്പോര്‍ട്സ് സെല്ലിലെ ഇന്ത്യന്‍ റെയില്‍വേയുടെ ഓഫീസര്‍ ഓണ്‍ സ്‌പെഷ്യല്‍ ഡ്യൂട്ടി (ഒഎസ്ഡി) ആയാണ് സ്ഥാനക്കയറ്റം. റെയിൽവെ ശമ്പളത്തിലാണ് താരം പരിശീലനം അടക്കമുള്ള കാര്യങ്ങൾ നോക്കുന്നത്.

പുരുഷന്‍മാരുടെ 50 മീറ്റര്‍ എയർ റൈഫിൾ 3 പൊസിഷൻ മത്സരത്തിലാണ് സ്വപ്‌നിൽ രാജ്യത്തിന് വെങ്കലം സമ്മാനിച്ച് അഭിമാനമായത്.മുട്ടുക്കുത്തിയും കമിഴ്ന്നു കിടന്നും നിന്നും വെടിയുതിർക്കുന്ന മത്സരമാണ് ത്രീ പൊസിഷൻ.മൂന്നു വിഭാഗത്തിലുമായി 451.4 പോയിന്റോടെയാണ് സ്വപ്നില്‍ ആദ്യ ഒളിമ്പിക്സ് മെ‍ഡൽ നേടിയത്. ഈ വിഭാ​ഗത്തിൽ ചൈനയുടെ യുകുന്‍ ലിയു സ്വർണവും യുക്രെയ്ൻ താരം സെർഹി കുലിഷ് വെള്ളിയും നേടി.

Central Railway honours it’s Olympic medalist Mr Swapnil Kusale. In an apt recognition to his achievement in the Paris Olympics he has been promoted as Officer on Special Duty in sports cell.
Best wishes for the new role, champion. 🥉💐 pic.twitter.com/LPURPyox2p

— Central Railway (@Central_Railway) August 1, 2024

“>