തെന്നിന്ത്യൻ സൂപ്പർ സ്റ്റാർ പ്രഭാസിന്റെ ബാഹുബലിക്കും ബാഹുബലി 2 നും ലക്ഷക്കണക്കിന് ആരാധകരുണ്ട് . അടുത്തിടെയാണ് എസ്എസ് രാജമൗലിയെ കുറിച്ചുള്ള ‘മോഡേൺ മാസ്റ്റർ: എസ്എസ് രാജമൗലി’ എന്ന ഡോക്യുമെൻ്ററി പുറത്തിറങ്ങിയത് . ഈ ഡോക്യുമെൻ്ററിയിൽ എസ്എസ് രാജമൗലി തന്റെ ബാഹുബലി, ആർആർആർ എന്നീ ചിത്രങ്ങളെ കുറിച്ച് പറഞ്ഞ കാര്യങ്ങളാണ് ഇപ്പോൾ ശ്രദ്ധ നേടുന്നത് . ആദ്യ ദിനം തന്നെ വളരെ മോശം അഭിപ്രായം ലഭിച്ച ചിത്രമാണ് ബാഹുബലി എന്നാണ് അദ്ദേഹം പറഞ്ഞത്.
‘ സിനിമ തയ്യാറായിക്കഴിഞ്ഞപ്പോൾ, ചിത്രത്തിന് എന്ത് പ്രതികരണം ലഭിക്കുമെന്ന് ആർക്കും അറിയാത്തതിനാൽ എല്ലാവരും പരിഭ്രാന്തരായി . ചിത്രത്തിന്റെ ബഡ്ജറ്റ് വളരെ ഉയർന്നതായിരുന്നു. സിനിമയ്‌ക്ക് ബജറ്റ് വീണ്ടെടുക്കാൻ കഴിഞ്ഞില്ല എങ്കിൽ അത് പരാജയമായിരിക്കും.
പകുതിയിലധികം ഇൻഡസ്‌ട്രിയിൽ ഉള്ളവരും സ്‌ക്രീനിംഗിൽ എത്തിയിരുന്നു. ഈ ചിത്രത്തോടുള്ള ആളുകളുടെ പ്രതികരണം ശരിയല്ലെന്ന് നിർമ്മാതാവ് ഷോബു യാർലഗദ്ദ പറഞ്ഞു. ഈ സിനിമ നല്ലതല്ലെന്ന് അദ്ദേഹം പറഞ്ഞു. തെലുങ്കിൽ നിന്നുള്ള റിപ്പോർട്ടുകൾ വളരെ മോശമായിരുന്നു . വളരെ പിരിമുറുക്കമുള്ള സമയമായിരുന്നു അത്, ഞങ്ങൾ ഒരുപാട് ബുദ്ധിമുട്ടി.
തെലുങ്കിൽ ഇത് പൂർണ്ണ പരാജയമാണെന്ന് പ്രഭാസ് പറഞ്ഞു. എല്ലാ സിനിമയും റിലീസിന് മുമ്പ് ഞാൻ എന്റെ സുഹൃത്തുക്കളോട് പറയും, സിനിമ ബ്ലോക്ക്ബസ്റ്റർ ആയാൽ മാത്രം എന്നെ ഉണർത്താൻ. പക്ഷേ ആരും എന്നെ ഉണർത്തിയില്ല. എന്നാൽ രണ്ടാം പകുതിക്ക് ശേഷം എല്ലാവരും വിസിലടിച്ചു. സിനിമ അവസാനിച്ചപ്പോൾ നല്ല കയ്യടി‘ എന്നാണ് രാജമൗലി പറഞ്ഞത് .
ഇന്നും ആ സമയത്തെക്കുറിച്ച് ഓർക്കുമ്പോൾ എനിക്ക് പേടിയാണ് എന്നാണ് രാജമൗലിയുടെ മകൻ എസ്.എസ്.കാർത്തികേയ ഡോക്യൂമെന്ററിയിൽ പറയുന്നത് . ‘ അന്ന് രാത്രി ഒന്നോ രണ്ടോ മണിക്കായിരുന്നു ഷോ. രാത്രി 3 മണി ആയിക്കാണും, ഒരുപാട് നെഗറ്റീവ് റിവ്യൂകൾ വന്നു തുടങ്ങി. സിനിമയെ കുറിച്ച് ആളുകൾ മോശമായി സംസാരിച്ചു. അച്ഛനോട് മോശമായി സംസാരിച്ചു. ഈ സിനിമ സമയവും പണവും പാഴാക്കുന്നതാണെന്ന് അവർ പറഞ്ഞു. ഒന്നാം ഭാഗത്തിന്റെ ചെലവുകൾ എങ്ങനെ വഹിക്കുമെന്ന് ഞങ്ങൾ ആശ്ചര്യപ്പെട്ടു. ഞാൻ മുകളിൽ ചെന്ന് നോക്കിയപ്പോൾ പപ്പ ഫോണിൽ നോക്കി നടന്നു വരുന്നത് കണ്ടു. എന്നെ നോക്കി കെട്ടിപ്പിടിച്ചു, ഞാൻ കരയാൻ തുടങ്ങി. എനിക്ക് ആ വികാരം വിശദീകരിക്കാൻ കഴിയില്ല. എന്നാൽ പിന്നീട് ഒറ്റരാത്രികൊണ്ട് എല്ലാം മാറി. ചിത്രത്തിന്റെ കളക്ഷനും വർധിച്ചു.‘കാർത്തികേയ പറഞ്ഞു.
