പ്രഥമ ദേശീയ ബഹിരാകാശ ദിനത്തിൽ ആശംസകൾ നേർന്ന് പ്രധാനമന്ത്രി നരേന്ദ്ര മോദി. ബഹിരാകാശ മേഖലയിൽ രാജ്യം കൈവരിച്ച നേട്ടങ്ങൾ അഭിമാനത്തോടെ ഓർക്കുന്നുവെന്ന് അദ്ദേഹം എക്സിൽ കുറിച്ചു.
ബഹിരാകാശ ശാസ്ത്രജ്ഞരുടെ സംഭാവനകളെ വാഴ്‌ത്താനുള്ള സുദിനം കൂടിയാണിതെന്നും പ്രധാനമന്ത്രി ഓർമിപ്പിച്ചു. ബഹിരാകാശ മേഖലയുടെ സമഗ്ര ഭാവിക്കായി കേന്ദ്രം പദ്ധതികൾ തയ്യാറാക്കിയിട്ടുണ്ടെന്നും ഉടൻ നടപ്പിലാക്കുമെന്നും വരും കാലങ്ങളിൽ പുരോഗതി കൈവരിക്കുമെന്നും പ്രധാമന്ത്രി എക്സിലൂടെ അറിയിച്ചു.
Greetings to everyone on the first National Space Day. We recall with great pride our nation’s achievements in the space sector. It is also a day to laud the contributions of our space scientists. Our Government has taken a series of futuristic decisions relating to this sector… pic.twitter.com/E7QcNDSm4u
— Narendra Modi (@narendramodi) August 23, 2024
2023 ഓഗസ്റ്റ് 23-ന് ചന്ദ്രനിൽ കാലുകുത്തിയ നാലാമത്തെ രാജ്യവും ദക്ഷിണ ധ്രുവ മേഖലയിൽ എത്തുന്ന ആദ്യ രാജ്യവുമായി ഇന്ത്യ മാറി. ഈ നാഴികക്കല്ലായ നേട്ടത്തെ ആദരിക്കുന്നതിനായി പ്രധാനമന്ത്രിയാണ് ഓഗസ്റ്റ് 23 “ദേശീയ ബഹിരാകാശ ദിനം” ആയി പ്രഖ്യാപിച്ചത്.
