ഐസിസിയെ നയിക്കാൻ എതിരില്ലാതെ ജയ്ഷാ; ചെയർമാനാകുന്ന പ്രായം കുറഞ്ഞ വ്യക്തി

ഐസിസി(രാജ്യാന്തര ക്രിക്കറ്റ് കൗൺസിലിന്റെ ചെയർമാനായി എതിരില്ലാതെ തെരഞ്ഞെടുക്കപ്പെട്ട് ബിസിസിഐ സെക്രട്ടറി ജയ്ഷാ.ഐസിസിയെ നയിക്കാൻ പോകുന്ന മൂന്നാമത്തെ മാത്രം ഇന്ത്യക്കാരനും ഏറ്റവും പ്രായം കുറഞ്ഞ ചെയർമാനുമാകും
35-കാരനായ ജയ്ഷാ. ബിസിസിഐ സെക്രട്ടറി സ്ഥാനം അദ്ദേഹം ഉടനെ രാജിവയ്‌ക്കും.

ചൊവ്വാഴ്ചവരെയാണ് നാമനിർദ്ദേശ പട്ടിക സമർക്കേണ്ട കാലാവധി. അപേക്ഷരായി മറ്റാരും ഇല്ലാതിരുന്നതോടെയാണ് ജയ്ഷായെ എതിരില്ലാതെ തെരഞ്ഞെടുത്തത്. ന്യൂസിലൻഡ് കാരനായ നിലവിലെ ചെയർമാൻ ​ഗ്രെഗ് ബാർക്ലേ മൂന്നാം ടേമിൽ തുടരാൻ താത്പ്പര്യമില്ലെന്ന് അറിയിച്ചിരുന്നു. ഷായ്‌ക്ക് ബിസിസിഐ സെക്രട്ടറി സ്ഥാനത്ത് ഒരു വർഷം കൂടി അവശേഷിക്കുന്നുണ്ട്.

നേരത്തെ ജ​ഗ് മോ​ഹ​ൻ ഡാൽമിയയും ശരത് പവാറുമാണ് ഐസിസി ചെയർമാൻ പദവിയിലെത്തിയ ഇന്ത്യക്കാർ. ഗ്രെ​ഗ് ബാർക്ലേ 2020 നവംബറിലാണ് ഐസിസിയുടെ ചെർമാനാകുന്നത്. 2022-ലും അദ്ദേഹത്തെ വീണ്ടും തെരഞ്ഞെടുത്തിരുന്നു. ആഭ്യന്തര മന്ത്രി അമിത് ഷായുടെ മകനായ ജയ്ഷാ 2019ലാണ് ആദ്യമായി ബിസിസിഐ സെക്രട്ടറിയാകുന്നത്. ​ഗുജറാത്ത് ക്രിക്കറ്റ് അസോസിയേഷൻ എക്സിക്യൂട്ടീവ് ബോർഡ് അം​ഗമായിരുന്നു. 2022-ൽ വീണ്ടും ബിസിസിഐ സെക്രട്ടറിയായി തെരഞ്ഞെടുക്കപ്പെട്ടു.

Congratulations to BCCI Honorary Secretary Mr. Jay Shah for being elected unopposed as the next Independent Chair of the International Cricket Council.@JayShah pic.twitter.com/sKZw4mdRvi

— BCCI (@BCCI) August 27, 2024