മനാമ: കേരള കാത്തലിക് അസോസിയേഷൻ ‘ഓണം പൊന്നോണം 2024’ ആഘോഷ പരിപാടികൾക്ക് തുടക്കമായി. കെസിഎ അങ്കണത്തിൽ നടന്ന ചടങ്ങിൽ ബിഎഫ്‌സി മാർക്കറ്റിംഗ് ഹെഡ് ആനന്ദ് നായർ ഓണാഘോഷ കമ്മിറ്റി ഓഫീസിന്റെ ഉദ്ഘാടന കർമ്മം നിർവഹിച്ചു. ഓണം പോന്നോണം 2024 ഓണസദ്യയുടെ ടിക്കറ്റ് ലോഞ്ചിംഗ് സെറിമണിയും നടന്നു.
കെസിഎ ഓണാഘോഷ മത്സരങ്ങൾ സെപ്റ്റംബർ ആറിന് നടക്കുന്ന ഉദ്ഘാടന ചടങ്ങിലെ ഓണപ്പുടവ മത്സരത്തോടെയാണ് ആരംഭിക്കുക. ശ്രദ്ധേയമായ വടംവലി മത്സരം സെപ്റ്റംബർ 12 നു സംഘടിപ്പിക്കും. വടംവലി മത്സരത്തിൽ പങ്കെടുക്കാൻ ആഗ്രഹിക്കുന്നവർ സെപ്റ്റംബർ 9ന് മുമ്പ് രജിസ്റ്റർ ചെയ്യണമെന്ന് സംഘാടകർ അറിയിച്ചു.
കെസിഎ പ്രസിഡണ്ട് ജെയിംസ് ജോൺ, വൈസ് പ്രസിഡന്റ് ലിയോ ജോസഫ്, മെമ്പർഷിപ്പ് സെക്രട്ടറി സേവി മാത്തുണ്ണി, ജനറൽ സെക്രട്ടറി വിനു ക്രിസ്റ്റി, ട്രഷറർ നവീൻ എബ്രഹാം , അസിസ്റ്റന്റ് ട്രഷറർ നിക്‌സൺ വർഗീസ്, സ്‌പോർട്‌സ് സെക്രട്ടറി സോവിച്ചൻ ചേനാറ്റുശേരി, എന്റർടൈൻമെന്റ് സെക്രട്ടറി ജിയോ ജോയ്, ലോഞ്ച് സെക്രട്ടറി ജിൻസ് ജോസഫ്, കോർ ഗ്രൂപ്പ് ചെയർമാൻ അരുൾദാസ് തോമസ്, ഓണാഘോഷ കമ്മിറ്റി ചെയർമാൻ നിത്യൻ തോമസ്, വൈസ് ചെയർമാൻ ഫിലിപ്പ് ജോൺ, പ്രോഗ്രാം കൺവീനർസ് ആയ റോയ് സി ആന്റണി, റോയ് ജോസഫ്, ജോഷി വിതയത്തിൽ എന്നിവർ ആശംസകൾ അർപ്പിച്ചു സംസാരിച്ചു.
കെസിഎ വനിതാ വിഭാഗം പ്രതിനിധികളും, കെസിഎ അംഗങ്ങളും ചടങ്ങിൽ പങ്കെടുത്തു. കെസിഎ മത്സരങ്ങളെ കുറിച്ചുള്ള വിശദവിവരങ്ങൾക്ക് കെസിഎ ഓഫീസുമായോ, മത്സര കൺവീനർമാരുമായോ ബന്ധപ്പെടണമെന്ന് ഭാരവാഹികൾ അറിയിച്ചു.
