തൃശ്ശൂർ: തൃശ്ശൂർ ഉത്രാളിക്കാവ് ക്ഷേത്രത്തിൽ മോഷണം. ക്ഷേത്രത്തിലെ ഭണ്ഡാരം തകർത്താണ് പണം കവർന്നത്. ഗുരുതിത്തറയ്‌ക്ക് സമീപമുള്ള ഭണ്ഡാരമാണ് മോഷ്ടാക്കൾ തകർത്തത്. നാഗത്തറയിലേയും ആൽത്തറയിലേയും ഭണ്ഡാരങ്ങളുടെ പൂട്ടുകൾ തകർത്തിട്ടുണ്ടെങ്കിലും മോഷ്ടാക്കൾക്ക് പണമെടുക്കാൻ സാധിച്ചിട്ടില്ല. വടക്കാഞ്ചേരി മേഖലയിലെ ആരാധനാലയങ്ങളിൽ മോഷണം തുടർക്കഥയാവുകയാണെന്നും കൃത്യമായ അന്വേഷണം നടത്തി കുറ്റവാളികളെ നിയമത്തിന് മുന്നിലെത്തിക്കണമെന്നും നാട്ടുകാർ ആവശ്യപ്പെട്ടു.
