“എന്റെ ഭാര്യയാണ്, അതുകൊണ്ടല്ലേ ഫസ്റ്റ് ഡേ ഞാൻ കാണാൻ വന്നത്”: മുകേഷ്

നടി എന്ന നിലയിൽ മേതിൽ ദേവികയുടെ പ്രകടനം മികച്ചതായിരുന്നുവെന്ന് മുകേഷ്. മേതിൽ ദേവിക ആദ്യമായി അഭിയനിച്ച കഥ ഇന്നുവരെ എന്ന സിനിമ തീയേറ്ററിലെത്തി കണ്ടതിന് ശേഷമായിരുന്നു മുകേഷിന്റെ പ്രതികരണം.

പ്രതീക്ഷിക്കാത്ത വലിയൊരു ട്വിസ്റ്റുള്ള സിനിമയാണ്. ആദ്യം മുതൽ തന്നെ ആസ്വദിച്ച് കാണാൻ കഴിയും. എല്ലാവരുടെയും കഥാപാത്രങ്ങൾ ഗംഭീരമായിട്ടുണ്ട്. നായിക എന്റെ ഭാര്യയാണ്, അതുകൊണ്ടല്ലേ ഞാൻ ഫസ്റ്റ് ഡേ കാണാൻ വന്നത്. – മുകേഷ് പ്രതികരിച്ചു.

വിഷ്ണു മോഹൻ സംവിധാനം ചെയ്ത ചിത്രം ‘കഥ ഇന്നുവരെ’ ഇന്നാണ് (സെപ്റ്റംബർ 20) റിലീസ് ചെയ്തത്. സിനിമയ്‌ക്ക് സമ്മിശ്ര പ്രതികരണങ്ങളാണ് ആദ്യദിവസം ലഭിക്കുന്നത്. ഫീൽഗുഡ് സിനിമ കാറ്റഗറിയിലെത്തുന്ന ‘കഥ ഇന്നുവരെ’ സംവിധായകന്റെ രണ്ടാമത്തെ ചിത്രമാണ്.