ഗംഗാവാലി പുഴയ്‌ക്ക് വിട്ടു കൊടുക്കാതെ അർജുനെ തിരികെ എത്തിക്കാൻ രാപകലില്ലാതെ ശ്രമിച്ച മനാഫിനെ പ്രശംസിച്ച് നടൻ ജോയ് മാത്യു. ‘ സൗഹൃദത്തിന്‍റെയും സാഹോദര്യത്തിന്‍റെയും പുതിയ പര്യായപദം മനാഫ് ‘ എന്നാണ് ജോയ് മാത്യു സോഷ്യൽ മീഡിയയിൽ കുറിച്ചത് .
പലരും ഇട്ടിട്ട് പോയെങ്കിലും തനിക്കത് തോന്നിയില്ലെന്നും , അന്ത്യകര്‍മ്മം ചെയ്യാനെങ്കിലും അവനെ കിട്ടണമെന്നുണ്ടായിരുന്നു. അതിനുള്ള ശക്തിയില്ല. ടിവിയിലൂടെ കാണുന്നുണ്ടാവും. അച്ഛനോടാണ് പറയാനുള്ളത്. മകനെ വീട്ടിലെത്തിക്കുമെന്ന് പറഞ്ഞിരുന്നു. ഇങ്ങനെയെങ്കിലും എത്തിച്ചു- എന്നാണ് വിവരമറിഞ്ഞപ്പോൾ മനാഫ് പ്രതികരിച്ചത് .
കാണാതായി 71-ാം നാളാണ് അർജുൻ ഓടിച്ച ലോറി ഗംഗാവലി പുഴയിൽ കണ്ടെത്തിയത്. ക്യാബിനിൽ കണ്ടെത്തിയ മൃതദേഹം അർജുന്റേതു തന്നെയെന്ന് സ്ഥിരീകരിക്കാൻ ഡി.എൻ.എ പരിശോധന നടത്തും.
