റേഞ്ച് റോവർ SV രൺതംബോർ എഡിഷൻ ഇന്ത്യയിൽ പുറത്തിറക്കി. 4.98 കോടി രൂപയാണ് വാഹനത്തിന്റെ എക്സ്ഷോറൂം വില. ഇന്ത്യയിൽ വിൽപ്പനയ്‌ക്കുള്ള ലോംഗ്-വീൽബേസ് റേഞ്ച് റോവറിനെ അടിസ്ഥാനമാക്കി ബ്രാൻഡിന്റെ ബെസ്‌പോക്ക് എസ്‌വി ഡിവിഷൻ കസ്റ്റമൈസ് ചെയ്‌തിരിക്കുന്ന രൺതംബോർ എഡിഷൻ ഇന്ത്യയ്‌ക്കായി അതിമനോഹരമായി തയ്യാറാക്കിയ ആദ്യത്തെ ലിമിറ്റഡ് എഡിഷനാണെന്ന് പറയപ്പെടുന്നു.
അകത്ത്, നാല് സീറ്റുകളുള്ള ക്യാബിനിൽ കോൺട്രാസ്റ്റ് സ്റ്റിച്ചിംഗോടുകൂടിയ കാരാവേയും പെർലിനോ സെമി-അനിലൈൻ ലെതറും ഉണ്ട്. കടുവയുടെ വരകളിൽ നിന്ന് പ്രചോദനം ഉൾക്കൊണ്ടുള്ള എബ്രോയ്ഡറി സീറ്റുകൾ വാഹനത്തിന് ലഭിക്കുന്നു. സ്റ്റാൻഡേർഡ് റേഞ്ച് റോവർ എസ്‌വിയിൽ നിന്ന് രൺതംബോർ എഡിഷനെ കൂടുതൽ വ്യത്യസ്‌തമാക്കാൻ കസ്റ്റമൈസ് ചെയ്‌ത സ്‌കാറ്റർ കുഷനുകൾ, ക്രോം ഹൈലൈറ്റുകൾ, ഇളം വെഞ്ച് (ഒരു ഇരുണ്ട നിറമുള്ള മരം) വെനീറുകൾ, വെള്ള സെറാമിക് ഡയലുകൾ എന്നിവയും നൽകിയിട്ടുണ്ട്.
എസ്‌വിയെ അടിസ്ഥാനമാക്കിയുള്ളതിനാൽ, പിൻസീറ്റ് യാത്രക്കാർക്ക് പൂർണ്ണമായും ചാരിയിരിക്കാവുന്ന സീറ്റുകളാണ്. ഒരു പവർഡ് ടേബിൾ, വിന്യസിക്കാവുന്ന കപ്പ് ഹോൾഡറുകൾ, എസ്‌വി എച്ചഡ് ഗ്ലാസ്‌വെയറുകളുള്ള ശീതീകരിച്ച കമ്പാർട്ട്‌മെൻ്റ് എന്നിവ ലഭിക്കും.ഓട്ടോബയോഗ്രഫി വേരിയൻ്റിൽ കാണുന്ന 400hp, 550Nm, 3.0-ലിറ്റർ ആറ് സിലിണ്ടർ ട്യൂബോ-പെട്രോൾ എഞ്ചിനാണ് ഈ ലിമിറ്റഡ് മോഡലിന് കരുത്ത് പകരുന്നത്. രൺതംബോർ എഡിഷന്റെ വിൽപ്പനയിൽ നിന്നുള്ള വരുമാനത്തിന്റെ ഒരു ഭാഗം വൈൽഡ് ലൈഫ് കൺസർവേഷൻ ട്രസ്റ്റ് ഓഫ് ഇന്ത്യക്ക് സംഭാവന ചെയ്യുമെന്ന് ബ്രാൻഡ് പറയുന്നു.
