ആലപ്പുഴ: വിജയദശമി ആഘോഷങ്ങളുടെ ഭാഗമായി നടത്തിയ പരിപാടിക്കിടെ പെൺകുട്ടിയുടെ മുടി മുറിച്ചതായി പരാതി. ആലപ്പുഴ പ്രീതികുളങ്ങരയിലാണ് സംഭവം. ക്ലബ്ബിന്റെ ഭാഗമായായിരുന്നു ആഘോഷം.
ഇന്നലെ രാത്രിയായിരുന്നു സംഭവം. പരിപാടി കഴിഞ്ഞ് വീട്ടിലെത്തിയപ്പോഴാണ് മുടി മുറിച്ച കാര്യം ശ്രദ്ധയിൽ പെടുന്നത്. നഴ്സിംഗ് വിദ്യാർത്ഥിനിക്കാണ് ദുരനുഭവമുണ്ടായത്. സംഭവത്തിൽ പെൺകുട്ടിയും കുടുംബവും പൊലീസിൽ പരാതി നൽകി. മണ്ണഞ്ചേരി പൊലീസ് അന്വേഷണം തുടങ്ങി.
