ജസ്റ്റ് മിസ്സ്‌! ശരിക്കും പെട്ടിയിലായേനെ..;പ്രതീക്ഷിക്കാതെ വീട്ടുകാർ വന്നു; കാമുകനെ ഇരുമ്പ് പെട്ടിയിൽ ഒളിപ്പിച്ച് പെൺകുട്ടി; വീഡിയോ വൈറൽ

ആരും കാണാതെ പാത്തും പതുങ്ങിയും കാമുകിയെ കാണാനെത്തുന്ന കാമുകന്മാരെ നമ്മൾ സിനിമകളിൽ ധാരാളം കണ്ടിട്ടുണ്ട്. വീട്ടുകാരുടെയും നാട്ടുകാരുടെയും കണ്ണിൽ പെടാതെ അവരെ ഒളിപ്പിക്കുന്ന കാമുകിമാരെയും നമ്മൾ കണ്ടിട്ടുണ്ട്. ഇതെല്ലം സിനിമകളിൽ കണ്ട് ആസ്വദിക്കാറുണ്ടെങ്കിലും ജീവിതത്തിൽ യാഥാർഥ്യമായാൽ എന്തായിരിക്കും അവസ്ഥ. അത്തരത്തിൽ ഒഡീഷയിൽ നിന്നുള്ള ഒരു വീഡിയോ ആണ് സോഷ്യൽ മീഡിയയിൽ പ്രചരിക്കുന്നത്.

തന്റെ കാമുകിയെ കാണാൻ അവളുടെ വീട്ടിലെത്തിയതാണ് യുവാവ്. ഇരുവരും മുറിയിലിരിക്കുമ്പോൾ സംശയം തോന്നിയ വീട്ടുകാർ ഇവിടേക്ക് എത്തി. വീട്ടുകാർ എത്തുന്നതിന് മുൻപേ പെൺകുട്ടി കാമുകനെ സമീപത്തിരുന്ന ഇരുമ്പ് പെട്ടിക്കുള്ളിൽ ഒളിപ്പിച്ചു.

വീട്ടുകാർ എത്തി പെൺകുട്ടിയുടെ മുറി മുഴുവൻ പരിശോധിച്ച ശേഷമാണ് ഇരുമ്പ് പെട്ടി കാണുന്നത്. സംശയം തോന്നിയ കുടുംബാംഗങ്ങൾ പെൺകുട്ടിയോട് പെട്ടി തുറക്കാൻ ആവശ്യപ്പെട്ടു. എന്നാൽ ഇത് എതിർക്കുന്ന പെൺകുട്ടിയെ വീഡിയോയിൽ കാണാം. ഒടുവിൽ മറ്റു മാർഗങ്ങളില്ലാതെ പെട്ടി തുറക്കുമ്പോൾ കാമുകൻ പരിഭ്രാന്തനായി വിയർത്തുകുളിച്ച് പെട്ടിയിൽ നിന്നും പുറത്തുവരുന്നു. സംഭവത്തിന്റെ വീഡിയോ പകർത്തരുതെന്നും പെൺകുട്ടി കുടുംബാംഗങ്ങളോട് ആവശ്യപ്പെടുന്നുണ്ട്.

വീട്ടുകാർ രോഷത്തോടെ കാമുകനെ ആക്രമിക്കാൻ ശ്രമിക്കുമ്പോൾ പെൺകുട്ടി അവർക്കുമുന്നിൽ പ്രതിരോധം തീർത്തുനിൽക്കുന്നുണ്ട്. തങ്ങൾ വിവാഹിതരാണെന്ന് അവൾ ഒഡിയ ഭാഷയിൽ പറയുന്നത് കേൾക്കാൻ സാധിക്കും. വീട്ടുകാരിൽ നിന്നും രക്ഷപ്പെടാൻ കാമുകനെ ഇരുമ്പ് പെട്ടിക്കകത്ത് ഒളിപ്പിച്ച പെൺകുട്ടിയുടെ വീഡിയോ ഇതിനകം വൈറലായിക്കഴിഞ്ഞു.

A girl locked her BF in a box after her family caught them. India is the only nation where people do not hesitate to even risk their life for Sex. pic.twitter.com/bSlMGhsR28

— NCMIndia Council For Men Affairs (@NCMIndiaa) October 18, 2024