മേടം രാശി (അശ്വതി, ഭരണി, കാർത്തിക ആദ്യ കാൽഭാഗം)
ശത്രുനാശം, കോടതി കേസുകളിൽ അനുകൂലമായ വിധി, വാഹന ഭാഗ്യം, ഭക്ഷണ സുഖം, സത്സുഹൃത്തുക്കൾ എന്നിവ അനുഭവപ്പെടും.
ഇടവം രാശി (കാർത്തിക അവസാന മുക്കാൽ ഭാഗം, രോഹിണി, മകയിര്യം ആദ്യ പകുതിഭാഗം)
രോഗാദി ദുരിതം അലട്ടുകയും പല തലത്തിലുള്ള പാഴ് ചെലവുകൾ വരവിനേക്കാൾ ചെലവുണ്ടാകും, സ്ത്രീകൾ മൂലം അപമാനിതനാകുവാനുള്ള സാഹചര്യം ഉണ്ടാവും.
മിഥുനം രാശി (മകയിര്യം അവസാന പകുതിഭാഗം, തിരുവാതിര, പുണർതം ആദ്യ മുക്കാൽഭാഗം)
ധനനേട്ടം, കാര്യപ്രാപ്തി, തൊഴിൽ വിജയം, സമ്മാനങ്ങൾ ലഭിക്കുക, വളരെക്കാലമായി നിലനിന്നിരുന്ന അസുഖങ്ങൾക്ക് ശമനം ലഭിക്കുക, ആഭരണ ലബ്ധി എന്നിവ ഉണ്ടാകും
കർക്കിടകം രാശി (പുണർതം അവസാന കാൽഭാഗം, പൂയം, ആയില്യം)
കുടുംബ ബന്ധുജനങ്ങളുമായി അഭിപ്രായ വ്യത്യാസം-അകൽച്ച-കലഹം എന്നിവ ഉണ്ടാകും സ്ത്രീകൾ മൂലം മാനഹാനി, ധനനഷ്ടം അനുഭവത്തിൽ വരും.
ചിങ്ങം രാശി (മകം, പൂരം, ഉത്രം ആദ്യ കാൽഭാഗം)
കുടുംബ ബന്ധുജനങ്ങളിൽ നിന്നും ഗുണാനുഭവങ്ങൾ, ധനനേട്ടം, മനഃസന്തോഷം, തൊഴിൽ വിജയം എന്നിവ ഉണ്ടാവും. കുടുംബത്തിൽ മംഗളകരമായ കർമ്മങ്ങളിൽ മുഖ്യ പങ്ക് വഹിക്കും.
കന്നി രാശി (ഉത്രം അവസാന മുക്കാൽഭാഗം, അത്തം, ചിത്തിര ആദ്യ പകുതിഭാഗം)
ജീവിത പങ്കാളിയുടെ ആശയങ്ങൾ പ്രാവർത്തികമാക്കുവാൻ സാധിച്ചതിനാൽ ആത്മാഭിമാനം തോന്നും. ധനനേട്ടം, തൊഴിൽ വിജയം, സർക്കാർ ആനുകൂല്യങ്ങൾ ലഭിക്കും, .
തുലാം രാശി (ചിത്തിര അവസാന പകുതിഭാഗം, ചോതി, വിശാഖം ആദ്യ മുക്കാൽഭാഗം)
അമിതമായ ആത്മവിശ്വാസം പലതരത്തിലുള്ള ബുദ്ധിമുട്ടുകളും ഉണ്ടാക്കും. ജലഭയം, മനോരോഗം, ആമാശയ രോഗങ്ങൾ എന്നിവ വരുവാൻ സാധ്യതയുണ്ട്. ജീവിതപങ്കാളിയുമായി അഭിപ്രായവ്യത്യാസം ഉണ്ടാകും.
വൃശ്ചികം രാശി (വിശാഖം അവസാന കാൽഭാഗം, അനിഴം, തൃക്കേട്ട)
സർക്കാർ സംബന്ധമായ ദോഷഫലങ്ങൾ, അപമാനം, ജലഭയം, മനോരോഗം എന്നിവ ഉണ്ടാകും. നിസ്സാരമായ കാര്യങ്ങളിൽ ഇടപെട്ട് കേസ് വഴക്കുകൾ ഉണ്ടാവും.
ധനു രാശി (മൂലം, പൂരാടം, ഉത്രാടം ആദ്യ കാൽഭാഗം)
മനഃസുഖം, ഭക്ഷണസുഖം, ധനനേട്ടം, എവിടെയും മാന്യത, കലാകാരൻമ്മാർക്ക് പ്രശസ്തി ലഭിക്കുക, ദാമ്പത്യ ഐക്യം, പ്രേമകാര്യങ്ങൾ പൂവണിയുക എന്നിവ അനുഭവത്തിൽ വരും.
മകരം രാശി (ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യ പകുതിഭാഗം)
കുടുംബത്തിൽ വളരെ നാളായി ഉണ്ടായിരുന്ന അസഹിഷ്ണുത മാറി സന്തോഷവും സമാധാനവും ഉണ്ടാകും. രോഗശാന്തി, വ്യവഹാര വിജയം, കീർത്തി എന്നിവ ലഭിക്കും.
കുംഭം രാശി (അവിട്ടം അവസാന പകുതിഭാഗം, ചതയം, പൂരൂരുട്ടാതി ആദ്യ മുക്കാൽഭാഗം)
ഏതു തൊഴിൽ ഏർപ്പെട്ടാലും അതിലൊന്നും ഒരു ഉയർച്ച വരാതെ മനതൃപ്തിക്കുറവ് അനുഭവപ്പെടും. വാത-ഉദര-കഫ നിർദോഷങ്ങൾ ഉടലെടുക്കുവാൻ സാധ്യതയുണ്ട്.
മീനം രാശി (പൂരൂരുട്ടാതി അവസാന കാൽഭാഗം, ഉതൃട്ടാതി, രേവതി)
കാര്യതടസം, അതീവമായ പേടി ഉണ്ടാവുക, ഉറക്കക്കുറവ് എന്നിവ ഉണ്ടാകും. ബ്ലഡ് പ്രഷർ, ഉദര പ്രശ്നം ഉള്ളവർ കൃത്യ സമയത്ത് മരുന്ന് കഴിക്കുവാൻ മറക്കുന്നത് വഴി രോഗം മൂർച്ഛിക്കുവാൻ ഇടയാകും.
ജയറാണി ഈ വി.
WhatsApp No : 9746812212
(പാരമ്പര്യ ജ്യോതിഷ കുടുംബത്തിലെ അംഗം . ഇരുപതിലേറെ വർഷമായി ജ്യോതിഷം സംഖ്യാശാസ്ത്രം വാസ്തു ആചാര അനുഷ്ഠാന വിഷയങ്ങൾ കൈകാര്യം ചെയ്യുന്നു)
Daily Prediction by Jayarani E.V
