വയനാട്: പ്രിയങ്ക വാദ്രയുടെ നാമനിർദ്ദേശപ്രതിക സമർപ്പണത്തിൽ കോൺഗ്രസ് അദ്ധ്യക്ഷൻ മല്ലികാർജ്ജുൻ ഖാർഗെയെ ഒഴിവാക്കിയതിൽ വിവാദം പുകയുന്നു. അമ്മ സോണിയ ഗാന്ധി, സഹോദരന്‍ രാഹുല്‍ , ഭര്‍ത്താവ് റോബര്‍ട്ട് വാദ്ര, മകന്‍ റെയ്ഹാന്‍ വാദ്ര എന്നിവരാണ് പത്രിക സമർപ്പത്തിന് കളക്ട്റുടെ ചേംബറിൽ ആദ്യം കയറിയത്. കുടുംബം മുഴുവൻ അകത്ത് കയറിയപ്പോൾ പാർട്ടിയുടെ ഏറ്റവും ഉന്നത സ്ഥാനത്ത് ഇരിക്കുന്ന മല്ലികാർജ്ജുൻ ഖാർഗെ പുറത്ത് നിർത്തിയതാണ് ചർച്ചയാകുന്നത്. കുറെയധികം സമയം കാത്തുനിന്ന ശേഷമാണ് ശേഷമാണ് ഖാർഗെയെ അകത്ത് കയറ്റിയത്.
കളക്ട്രേറ്റ് ഹാളിന് പുറത്ത് നിന്ന്, വാതിലിന്റെ ഇടയിലൂടെ ഒളിഞ്ഞു നോക്കുന്ന ഖാർഗെയുടെ ദൃശ്യങ്ങൾ ദേശീയ തലത്തിൽ വ്യാപകമായി പ്രചരിച്ചു. തന്നെ ആരെങ്കിലും അകത്തേക്ക് വിളിക്കുമോ എന്ന് തരത്തിൽ തികച്ചും നിസ്സഹായനായാണ് ഖാർഗെയെ കാണപ്പെട്ടത്. ചടങ്ങിൽ ഇടം നൽകാത്തത് അദ്ദേഹം ദളിതനായത് കൊണ്ടാണെന്ന വിമർശനമാണ് ഉയരുന്നത്.
बेचारे खडगे जी ! इटली वाली बाई की बेटी वायनाड से नामांकन कर रही है . कांग्रेस के जीजाजी, सासूजी, बेटे , बेटी के बेटे अंदर हैं और कांग्रेस के अध्यक्ष सुराख़ से झाँक रहे हैं कि कोई उन्हें भी अंदर ले ले . इसीलिए बालासाहब ठाकरे कहते थे कि सोनिया के सामने हिजड़े झुकते हैं ! pic.twitter.com/4X1F567Rew
— Prem Shukla -प्रेम शुक्ल (@PremShuklaBJP) October 23, 2024
കോൺഗ്രസിന്റെ ഏറ്റവും ഉയർന്ന സ്ഥാനത്ത് ഇരിക്കുന്ന ഖാർഗെയെ പടിക്ക് പുറത്ത് നിർത്തിയതിനെതിരെ ബിജെപി വക്താവ് ഗൗരവ് ഭാട്ടിയ രംഗത്ത് വന്നു. ” പ്രിയങ്ക വാദ്ര ഗാന്ധിയുടെ നാമനിർദ്ദേശ പത്രിക സമർപ്പിക്കുന്ന സമയത്ത് ഖാർഗെജിയെ മുറിയിൽ നിന്ന് മാറ്റി നിർത്തിയത് എല്ലവരും കണ്ടതാണ്. ദളിതനായത് പാപമാണോ? സീതാറാം കേസരി, പി വി നരസിംഹ റാവു ജി, ഇപ്പോൾ ഖാർഗെ സന്ദേശം വ്യക്തമാണ്. ഗാന്ധി കുടുംബത്തിലെ കൊച്ചുമകന്റെ പദവി കോൺഗ്രസ് പ്രസിഡൻ്റിനേക്കാൾ ഉയർന്നതാണെന്ന് ഓർക്കുക”- അദ്ദേഹം പറഞ്ഞു.
അസം മുഖ്യമന്ത്രി ഹിമന്ദ ബിശ്വശർമ്മയും ഈ വീഡിയോ ട്വീറ്റ് ചെയ്തിട്ടുണ്ട്. “മുതിർന്ന പാർലമെൻ്റേറിയനും ദളിത് നേതാവുമായ ഖാർഗെയോട് കാണിക്കുന്ന അനാദരവ് നിരാശാജനകമാണ്. എഐസിസിയുടെയോ പിസിസിയുടെയോ പ്രസിഡണ്ടായാലും അവരെ അപമാനിക്കുന്നതിൽ അഭിമാനം കണ്ടെത്തുന്നവരാണ് ഗാന്ധി കുടുംബം”- അദ്ദേഹം പറഞ്ഞു.
ഖാർഗെയുടെ ഗതികേട് നിരവധി പേരാണ് സമൂഹ മാദ്ധ്യമങ്ങളിൽ ചൂണ്ടിക്കാട്ടിയത്. “പാവം ഖാർഗെ ജി! ഇറ്റാലിയൻ വനിതയുടെ മകൾ വയനാട്ടിൽ നാമനിർദേശ പത്രിക സമർപ്പിക്കുന്നു. കോൺഗ്രസിന്റെ അളിയനും അമ്മായിമ്മയും മകനും മകളുടെ മകനും അകത്തുണ്ട്, തന്നെയും അകത്തേക്ക് കയറ്റുമോ എന്നറിയാൻ കോൺഗ്രസ് അദ്ധ്യക്ഷൻ ദ്വാരങ്ങളിലൂടെ ഒളിഞ്ഞു നോക്കുന്നു” ബിജെപി നേതാവ് പ്രേം ശുക്ല പരിഹസിച്ചു.
