നോക്കീം കണ്ടും റോഡ് മുറിച്ച് കടന്നോളൂ; തോന്നിയ സ്ഥലത്ത് വച്ച് ക്രോസ് ചെയ്താൽ കീശകീറും, തടവും ലഭിച്ചേക്കാം

അബുദാബി: യുഎഇയിൽ അനുവദനീയമല്ലാത്ത സ്ഥലത്ത് റോഡുകൾ മുറിച്ചു കടന്നാൽ കടുത്ത നിയമനടപടി നേരിടേണ്ടി വരുമെന്ന് മുന്നറിയിപ്പ്. നിയമലംഘകർക്ക്
10,000 ദിർഹം വരെ പിഴയും ജയിൽ ശിക്ഷയും ലഭിക്കുമെന്ന് അധികൃതർ അറിയിച്ചു.

ജയിൽ ശിക്ഷയും പിഴയും ഒരുമിച്ചോ ഒന്നു മാത്രമായോ ലഭിച്ചേക്കാം. കുറ്റകൃത്യത്തിന്റെ കാഠിന്യം അനുസരിച്ചാകും ഇക്കാര്യത്തിൽ പ്രോസിക്യൂഷൻ തീരുമാനമെടുക്കുക.

ഏറ്റവും കുറഞ്ഞ പിഴ 5,000 ദിർ‍ഹമാണ്. ജയിൽശിക്ഷ ഏറ്റവും കുറഞ്ഞത് മൂന്നു മാസമായിരിക്കുമെന്നും സർക്കാർ പ്രതിനിധികൾ വ്യക്തമാക്കി. 80 കിലോമീറ്ററോ അതിലധികമോ വേഗതയിൽ വാഹനങ്ങൾ സഞ്ചരിക്കുന്ന റോഡുകൾ മുറിച്ചു കടക്കാൻ ശ്രമിക്കുന്നവർക്കാണ് ഉയർന്ന പിഴയും ശിക്ഷയും ലഭിക്കുക. 2025 മാർച്ച് മുതൽ നിയമം പ്രാബല്യത്തിൽ വരും.