ഗോവ : ഇൻ്റർനാഷണൽ ഫിലിം ഫെസ്റ്റിവലിൽ ‘സ്വാതന്ത്ര്യ വീർ സവർക്കർ’ പ്രദർശിപ്പിച്ചതിൽ സന്തോഷം പ്രകടിപ്പിച്ച് നടനും, സംവിധായകനുമായ രൺദീപ് ഹൂഡ .
“ഏഷ്യയിലെ ഏറ്റവും വലിയ ചലച്ചിത്രമേളയായ ഐഎഫ്എഫ്ഐയിൽ ഇന്ത്യൻ പനോരമയുടെ ഉദ്ഘാടന ചിത്രമായി പ്രദർശിപ്പിച്ച ചിത്രത്തിന്റെ സംവിധായകനെന്ന നിലയിൽ ഞാൻ വളരെ സന്തോഷവാനാണ് . സിനിമ മനസ്സിലാക്കുന്ന ആളുകൾ എന്റെ സിനിമ കാണുമെന്നതിൽ എനിക്ക് സന്തോഷമുണ്ട് . അഭിമാനമുണ്ട് .
ഞാൻ ഈ പ്രോജക്റ്റ് ആരംഭിക്കുമ്പോൾ, എനിക്ക് സവർക്കറെ കുറിച്ച് കൂടുതൽ അറിയില്ലായിരുന്നു,എന്നാൽ ഞാൻ കൂടുതൽ ആഴത്തിൽ പഠിച്ചപ്പോൾ, നമ്മുടെ ചരിത്രത്തിന്റെ മുഴുവൻ വശവും മനസിലായി. സായുധ വിപ്ലവകാരികൾക്ക് അർഹമായ സ്ഥാനം ലഭിച്ചിട്ടില്ലെന്ന് ഞാൻ മനസ്സിലാക്കി. ‘ സ്വാതന്ത്ര്യ വീർ സവർക്കർ’ എന്നത് കേവലം ഒരു മനുഷ്യനെക്കുറിച്ചല്ല, മറിച്ച് ഒരു പ്രസ്ഥാനത്തെക്കുറിച്ചുള്ള ചിത്രമാണ് .
നമ്മുടെ സ്വാതന്ത്ര്യം അഹിംസയിലൂടെ മാത്രമാണ് വന്നതെന്ന് നമ്മൾ മുൻപ് കരുതി. പക്ഷേ അത് കഥയുടെ ഒരു ഭാഗം മാത്രമാണ് . സായുധ സമരമില്ലാതെ സ്വാതന്ത്ര്യം നേടാനാവില്ലെന്ന് വിശ്വസിച്ചിരുന്ന ആളുകളുണ്ടായിരുന്നു. എന്റെ സിനിമ ആ ആളുകളെയും അവരുടെ ത്യാഗങ്ങളെയും അവരുടെ സംഭാവനയെയും കുറിച്ചാണ്.എനിക്ക് സവർക്കറെയും അദ്ദേഹത്തിന്റെ പ്രത്യയശാസ്ത്രത്തെയും മനസ്സിലാക്കാൻ ആഗ്രഹമുണ്ടായിരുന്നു. ‘ എന്നും രൺദീപ് ഹൂഡ പറഞ്ഞു.
