സ്റ്റീൽ കലം തലയിൽ കുടുങ്ങിയ കുഞ്ഞിന് രക്ഷകരായി അഗ്നിരക്ഷാസേന . അടിവാരം സ്വദേശി കൂളമടത്ത് പുളിക്കൽ ജംഷീദിന്റെ മകൾ രണ്ടര വയസ്സുകാരി അസാ സഹറയുടെ തലയിലാണ് സ്റ്റീൽ കലം കുടുങ്ങിയത്. അടുക്കളയിൽ കളിക്കുന്നതിനിടയിൽ അബദ്ധവശാൽ തലയിൽ കുടം വയ്‌ക്കുകയായിരുന്നു.
വീട്ടുകാർക്ക് പുറത്തെടുക്കാൻ സാധിക്കാതെ വന്നതോടെ മുക്കം ഫയർഫോഴ്സിന്റെ സഹായം തേടി വീട്ടുകാർ അഗ്നിരക്ഷാ ഓഫീസിലേയ്‌ക്ക് കുഞ്ഞുമായി എത്തുകയായിരുന്നു. സ്റ്റേഷൻ ഓഫീസർ എം. അബ്ദുൽ ഗഫൂറിന്റെ നേതൃത്വത്തിലുള്ളവർ ഷിയേഴ്സ്, കട്ടർ എന്നിവ ഉപയോഗിച്ച് സൂക്ഷ്മമായി കലം മുറിച്ചുമാറ്റി കുട്ടിയുടെ തല പുറത്തെടുക്കുകയായിരുന്നു .
