കാലഭൈരവ വി​ഗ്രഹത്തിന്റെ ചുണ്ടിൽ സി​ഗററ്റ് കത്തിച്ചുവച്ചു; യുവാവിനെതിരെ പ്രതിഷേധം

മധ്യപ്രദേശിലെ ജബൽപൂരിൽ നിന്ന് പുറത്തുവരുന്നത് നാണംകെട്ടൊരു പ്രവൃത്തിയുടെ വാർത്തയും ദൃശ്യങ്ങളുമാണ്. ജബൽപൂരിലെ ഭ​ഗവാൻ കാലഭൈരവ ക്ഷേത്രത്തിലെത്തിയ യുവാവ് വി​ഗ്രഹത്തിന്റെ ചുണ്ടിൽ സി​ഗററ്റ് കത്തിച്ചു വച്ചു. ഇതിന്റെ വീഡിയോ ചിത്രീകരിച്ച് സോഷ്യൽ മീഡ‍ിയയിൽ പ്രചരിപ്പിക്കുകയും ചെയ്തു. ​ഗ്വാരി​ഘട്ടിലെ ശ്രീ കാലഭൈവരവ മന്ദിറിലായിരുന്നു സംഭവം. വീഡിയോ വൈറലായതോടെ പൊലീസ് യുവാവിനെതിരെ നടപടിയെടുക്കുമെന്ന് ഉറപ്പ് നൽകി.

അന്വേഷണം ആരംഭിച്ചെന്ന് അഡീഷണൽ എസ്.പി ആനന്ദ് കലാദ്​ഗി പറഞ്ഞു. വി​ഗ്രത്തിന്റെ ചുണ്ടിൽ കത്തിച്ച സി​ഗററ്റ് വച്ച യുവാവ് കാലഭൈരവൻ ​സി​ഗററ്റ് വലിക്കുന്നതായും പറഞ്ഞു. ഭക്തർ എല്ലാവരും ഭ​ഗവാൻ കാലഭൈരവന് സി​ഗററ്റ് കാണിക്കയായി സമ‍‍ർപ്പിക്കണമെന്നും ഇയാൾ ആവശ്യപ്പെട്ടു. അങ്ങനെ ചെയ്താൽ ആ​ഗ്രങ്ങൾ സഫലമാകുമെന്നും ഇയാൾ പറയുന്നുണ്ട്. ഈ ദൃശ്യങ്ങൾ ഫെയ്സ്ബുക്കിലൂടെയാണ് പുറത്തുവന്നത്.

#ViralVideo: Youth Offers Cigarette To Lord Kal Bhairav At Temple In Jabalpur; Police Assures Action #JabalpurNews #MPNews #MadhyaPradesh pic.twitter.com/3c03MPCFWa

— Free Press Madhya Pradesh (@FreePressMP) November 29, 2024