ചെന്നൈ: അണ്ണായുണിവേഴ്സിറ്റി ക്യാമ്പസിൽ ഒരു വിദ്യാർത്ഥിനിയെ അജ്ഞാതരായ രണ്ടുപേർ പീഡിപ്പിച്ചു. ഡിസംബർ 25 ബുധനാഴ്ച പുലർച്ചെയായിരുന്നു സംഭവം.
ചെന്നൈയിലെ അണ്ണാ യൂണിവേഴ്സിറ്റി കാമ്പസിനുള്ളിൽ വിദ്യാർത്ഥിയും വിദ്യാർത്ഥിനിയും സംസാരിച്ചിരിക്കുകയായിരുന്നു. അവിടെ എത്തിയ
രണ്ട് പേർ പുരുഷ സുഹൃത്തിനെ ആക്രമിക്കുകയും വിദ്യാർത്ഥിനിയെ ലൈംഗികമായി പീഡിപ്പിക്കുകയും ചെയ്തു.
റിപ്പോർട്ടുകൾ പ്രകാരം, ഇരുവരും അടുത്തുള്ള പള്ളിയിൽ ക്രിസ്മസ് പ്രാർത്ഥനയിൽ പങ്കെടുത്ത് അർദ്ധരാത്രിയോടെ യൂണിവേഴ്സിറ്റി കാമ്പസിലേക്ക് മടങ്ങിയ കുട്ടികൾ കാമ്പസിലെ തുറസ്സായ സ്ഥലത്തിരിക്കുകയായിരുന്നു. പെട്ടെന്ന് അവിടെ എത്തിയ അക്രമികൾ പുരുഷൻ സുഹൃത്തിനെ ആക്രമിക്കുകയും യുവതിയെ കുറ്റിക്കാട്ടിലേക്ക് വലിച്ചിഴച്ച് ലൈംഗികമായി പീഡിപ്പിക്കുകയും ചെയ്തു. തുടർന്ന് അക്രമികൾ സംഭവസ്ഥലത്ത് നിന്ന് രക്ഷപ്പെട്ടു.
ഭാരതീയ ന്യായ സംഹിത (ബിഎൻഎസ്) സെക്ഷൻ 64 പ്രകാരം ബലാൽസംഗത്തിനാണ് കേസെടുത്തിരിക്കുന്നതെന്ന് കോട്ടൂർപുരം ജെ4 പോലീസ് പറഞ്ഞു. കോട്ടൂർപുരം അസിസ്റ്റൻ്റ് പോലീസ് കമ്മീഷണർ (എസിപി) ഭാരതിരാജനും സംഘവുമാണ് കേസ് അന്വേഷിക്കുന്നത്. പോലീസ് ഉദ്യോഗസ്ഥരുടെ സംഘം ക്യാമ്പസിലെത്തി അക്രമികളെ തിരിച്ചറിയാൻ സിസിടിവി ദൃശ്യങ്ങൾ പരിശോധിച്ചുവരികയാണ്.
