ബെംഗളൂരു: കർണാടകയിലെ ഹഡിഗെ ഗ്രാമത്തിൽ ഒരു ദിവസം കൊണ്ട് ചത്തത് 12ലധികം കോഴികളാണ്. എന്നാൽ ചത്ത കോഴികളുടെ വായിൽ നിന്നും തീയും പുകയും വന്നതോടെയാണ് സംഭവം നാട്ടുകാരെയും ഞെട്ടിച്ചത്. നാട്ടുകാരിൽ ഒരാൾ ഈ വീഡിയോ സമൂഹ മാദ്ധ്യമങ്ങളിലും പങ്കുവച്ചതോടെ കോഴികൾ ചത്തതിനു പിന്നിലെ ദുരൂഹത തിരയുകയാണ് ആളുകളിപ്പോൾ .
ചത്ത് നിലത്തുകിടക്കുന്ന ഒരുകൂട്ടം കോഴികളുടെ ദൃശ്യങ്ങളാണ് എക്സിൽ പ്രചരിക്കുന്നത്. ചിലതിന്റെ തൂവലുകളിൽനിന്നും പുക ഉയരുന്നുണ്ട്. വീഡിയോ പകർത്തുന്നയാൾ ചത്തുകിടക്കുന്ന കോഴികളിലൊന്നിന്റെ വയറിൽ അമർത്തുമ്പോൾ ഇതിന്റെ വായിലൂടെ തീജ്വാലകളും പുകയും പുറന്തള്ളുന്നത് കാണാം. എന്തുകൊണ്ടാണ് കോഴികൾ ചത്തതെന്നോ പുകയും തീയും എങ്ങനെ വന്നുവെന്നോ വ്യക്തമല്ല.
കോഴികളുടെ ദുരൂഹ മരണം നാട്ടുകാരെയും ഭയത്തിലാക്കിയിരിക്കുകയാണ്. ഡിസംബർ 18 നായിരുന്നു സംഭവം. സംഭവത്തിൽ അന്വേഷണം നടത്തി കോഴികൾ കൂട്ടത്തോടെ മരിക്കാനിടയായ സാഹചര്യം കണ്ടെത്താമെന്നാണ് ഉടമയായ രവിയുടെ ആവശ്യം. അതേസമയം സോഷ്യൽ മീഡിയയിൽ പ്രചരിക്കുന്ന വീഡിയോയുടെ ആധികാരികത ചോദ്യം ചെയ്യുന്നവരുമുണ്ട്. രാസവസ്തുക്കൾ അടങ്ങിയ വിഷവസ്തുക്കൾ ഉള്ളിൽ ചെന്നാവാം കോഴികളുടെ മരണമെന്നും അതുകൊണ്ടാവാം ഇത്തരത്തിൽ തീ തുപ്പുന്നതെന്നും ചിലർ അഭിപ്രായപ്പെട്ടു.
Chicken are mysteriously dying, and their dead bodies are emitting fire (in Sakaleeshpur Indian village)
Debate below – Real or CGI? 🤔🔥
https://t.co/NaQT6mvx2J— DramaAlert (@DramaAlert) December 26, 2024
