പുതിയ ഗവർണറെത്തി!! സ്വീകരിച്ച് മുഖ്യമന്ത്രിയും മറ്റ് മന്ത്രിമാരും; സത്യപ്രതിജ്ഞ വ്യാഴാഴ്ച 

തിരുവനന്തപുരം: കേരളത്തിന്റെ പുതിയ ​ഗവർണർ രാജേന്ദ്ര വിശ്വനാഥ് ആർലെകർ തിരുവനന്തപുരത്തെത്തി. വ്യോമസേനയുടെ ടെക്നിക്കൽ ഏരിയയിൽ വച്ചാണ് നിയുക്ത ​ഗവർണർക്ക് കേരള സർക്കാർ സ്വീകരണം നൽകിയത്. മുഖ്യമന്ത്രി പിണറായി വിജയൻ, ചീഫ് സെക്രട്ടറി, മറ്റ് മന്ത്രിമാർ, സർക്കാർ പ്രതിനിധികൾ, ജില്ലാ കളക്ടർ, മേയർ, സ്പീക്കർ തുടങ്ങിയവർ ചേർന്ന് പുതിയ ഗവർണറെ സ്വീകരിച്ചു. വ്യാഴാഴ്ച രാവിലെ പത്ത് മണിക്ക് രാജ്ഭവനിലാണ് പുതിയ ​ഗവർണറുടെ സത്യപ്രതിജ്ഞ നടക്കുക.

Governor designate Shri Rajendra Vishwanath Arlekar was received at Thiruvananthapuram domestic airport by Chief Minister @CMOKerala Shri Pinarayi Vijayan. Speaker Shri A.N.Shamseer and other ministers were also present: PRO,KeralaRajBhavan@PMOIndia @HMOIndia @rashtrapatibhvn pic.twitter.com/Pfchdyb913

— Kerala Governor (@KeralaGovernor) January 1, 2025

ബിഹാർ ​ഗവർണറായിരുന്ന ആർലെകറിന് കേരളത്തിന്റെ ചുമതല നൽകിക്കൊണ്ടുള്ള ഉത്തരവ് കഴിഞ്ഞയാഴ്ചയായിരുന്നു രാഷ്‌ട്രപതി ഭവൻ പുറപ്പെടുവിച്ചത്. കേരളത്തിന്റെ ​ഗവർണറായിരുന്ന ആരിഫ് മുഹമ്മദ് ഖാന് ബിഹാറിന്റെ ചുമതലയും നൽകി. കഴിഞ്ഞ ദിവസമായിരുന്നു ആരിഫ് മുഹമ്മദ് ഖാൻ കേരളത്തിന്റെ ചുമതലയൊഴിഞ്ഞ് മടങ്ങിയത്. എന്നാൽ സർക്കാർ പ്രതിനിധികളാരും തന്നെ ​ഗവർണറെ നേരിൽ ചെന്നുകാണുകയോ ആശംസകൾ അറിയിക്കുകയോ ചെയ്യാൻ തയ്യാറാകാതിരുന്നത് വലിയ വിമർശനങ്ങൾക്ക് വഴിവച്ചിരുന്നു.