ജീവിതത്തിൽ ഒരിക്കലും മയക്കുമരുന്ന് ഉപയോ​ഗിച്ചിട്ടില്ലെന്ന് നടൻ! പുകവലിയോ മദ്യപാനമോ ഇല്ല; നിങ്ങൾ ഒരു മാതൃകയാകണമെന്നും താരം

ലഹരിയെ ജീവിതത്തിൽ അടുപ്പിക്കരുതെന്ന് ബോളിവുഡ് താരം ജോൺ എബ്രഹാം. നവി മുംബൈ നാഷ മുക്തി പ്രോ​ഗ്രാമിൽ കുട്ടികളെ അഭിസംബോധന ചെയ്യുകയായിരുന്നു നടൻ. താൻ ജീവിതത്തിൽ ഒരിക്കലും ലഹരിവസ്തുക്കൾ ഉപയോ​ഗിച്ചിട്ടില്ലെന്നും നടൻ വ്യക്തമാക്കി. കുട്ടികൾ സുഹൃത്തുക്കൾക്ക് മാതൃകയാകണമെന്നും നാടിന് നല്ലൊരു പൗരനാകണമെന്നും നടൻ ആവശ്യപ്പെട്ടു. മഹാരാഷ്‌ട്ര മുഖ്യമന്ത്രി ദേവേന്ദ്ര ഫഡ്നവിസിന്റെ നേതൃത്വത്തിൽ തുടങ്ങിയ ലഹരിമുക്ത ക്യാമ്പെയിനാണിത്.

എനിക്ക് നിങ്ങളോട് ഒരു കാര്യം പറയാനുണ്ട്, വ്യക്തിപരമായി ജീവിതത്തിൽ ഒരിക്കലും ഞാൻ മയക്കുമരുന്ന് ഉപയോ​ഗിച്ചിട്ടില്ല. പുകവലിയും മദ്യപാനവുമില്ല. പക്ഷേ ലഹരി ഉപയോ​ഗിക്കാതിരിക്കുക എന്നതാണ് പ്രധാനം. ജീവിത്തത്തിൽ അച്ചടക്കമുള്ളവരായിരിക്കുക. സുഹൃത്തുക്കൾക്കും സഹപ്രവർത്തകർക്കും ഒരു മാതൃകയാവുക. മഹാരാഷ്‌ട്രയുടെയും ഇന്ത്യയുടെയും നല്ലൊരു പൗരനാവുക. നല്ല മസിലുകളുണ്ടാക്കാൻ കഠിനമായി പരിശീലിക്കുക—- നടൻ പറഞ്ഞു.

ക്യാമ്പയിന് തുടക്കമിട്ട മുഖ്യമന്ത്രിയെയും ചുക്കാൻ പിടിക്കുന്ന മുംബൈ പൊലീസ് കമ്മിഷണറെയും നടൻ അഭിനന്ദിച്ചു. ഇനി നടൻ്റേതായി റിലീസാകാൻ ഇരിക്കുന്ന ചിത്രം ടെഹ്റാൻ ആണ്. മനുഷി ചില്ലറാണ് നായികയാകുന്നത്.

VIDEO | Actor John Abraham (@TheJohnAbraham) addressing at the ‘Navi Mumbai Nasha Mukta Abhiyan’ says, “I want to say to students, I have personally not touched drugs ever in my life, also no smoking, no drinking, but no drugs is very important. Be very disciplined in life, be a… pic.twitter.com/PFui2MhKBH

— Press Trust of India (@PTI_News) January 8, 2025