മേടം രാശി (അശ്വതി, ഭരണി, കാർത്തിക ആദ്യ കാൽഭാഗം):
ഭക്ഷണ സുഖക്കുറവ് അനുഭവപ്പെടുകയും ദഹന വ്യവസ്ഥയിൽ വ്യത്യാസം വരികയും ചെയ്യും. ദമ്പതികൾ തമ്മിൽ കലഹം ഉണ്ടാകും. എല്ലാ കാര്യങ്ങളിലും തടസ്സം അനുഭവപ്പെടും.
ഇടവം രാശി (കാർത്തിക അവസാന മുക്കാൽ ഭാഗം, രോഹിണി, മകയിര്യം ആദ്യ പകുതിഭാഗം):
മാതാപിതാക്കൾക്കോ സന്താനങ്ങൾക്കോ രോഗാദിദുരിതം ഉണ്ടാകുവാനും ആശുപത്രിവാസത്തിനും സാധ്യതയുണ്ട്. ഉറക്കക്കുറവ് അനുഭവപ്പെടുകയും അതിയായ ഭയം ഉണ്ടാവുകയും ചെയ്യും. ഉദര രോഗം വരാതെ സൂക്ഷിക്കുക.
മിഥുനം രാശി (മകയിര്യം അവസാന പകുതിഭാഗം, തിരുവാതിര, പുണർതം ആദ്യ മുക്കാൽഭാഗം):
ധൈര്യം, ചിന്താശേഷി, ആടായാഭരണ അലങ്കാരവസ്തുക്കളുടെ വർദ്ധനവ്, ധനനേട്ടം, സത് സുഹൃത്തുക്കൾ എന്നിവ ഉണ്ടാകും. സഹോദരസ്ഥാനത്ത് ഉള്ളവരിൽ നിന്നും ഗുണഫലം പ്രതീക്ഷിക്കാം
കർക്കിടകം രാശി (പുണർതം അവസാന കാൽഭാഗം, പൂയം, ആയില്യം):
വിദേശവുമായി ബന്ധപ്പെട്ട തൊഴിലുകൾ ചെയ്യുന്നവർക്ക് ഏറ്റവും വേണ്ടപ്പെട്ടവരിൽ നിന്നും ചതി നേരിടുവാനും ധനക്ലേശം അനുഭവപ്പെടുകയും ചെയ്യും. ആരോഗ്യ കാര്യങ്ങളിൽ വളരെയധികം ജാഗ്രത പാലിക്കുക.
ചിങ്ങം രാശി (മകം, പൂരം, ഉത്രം ആദ്യ കാൽഭാഗം):
അപ്രതീക്ഷിതമായ ഭാഗ്യാനുഭവങ്ങൾ ഉണ്ടാവുകയും സമ്മാനങ്ങളും പാരിതോഷികങ്ങളും ലഭിക്കുവാൻ ഇടയുണ്ട്. സന്താനഭാഗ്യം, മനസന്തോഷം, പ്രശസ്തി, ഉന്നത സ്ഥാനപ്രാപ്തി, ഭാര്യാലബ്ധി എന്നിവ ഉണ്ടാകും. ഇന്ന് മകം നക്ഷത്രക്കാരുടെ പക്കപ്പിറന്നാൽ ആയതിനാൽ ക്ഷേത്രദർശനവും വഴിപാടും നടത്തുന്നത് വളരെ ഗുണകരം.
കന്നി രാശി (ഉത്രം അവസാന മുക്കാൽഭാഗം, അത്തം, ചിത്തിര ആദ്യ പകുതിഭാഗം):
സ്ത്രീകൾ മൂലം മാനഹാനി, പണനഷ്ടം എന്നിവ ഉണ്ടാകും. നിനച്ചിരിക്കാത്ത നേരത്ത് അപകടങ്ങൾ ഉണ്ടാകുവാനോ രോഗാദിദുരിതങ്ങൾ ഉണ്ടാകുവാനോ സാധ്യത. വേണ്ടപെട്ടവരുമായി അഭിപ്രായ വ്യത്യാസം ഉണ്ടാവും.
തുലാം രാശി (ചിത്തിര അവസാന പകുതിഭാഗം, ചോതി, വിശാഖം ആദ്യ മുക്കാൽഭാഗം):
ബന്ധുജനസമാഗമം, ബിസിനസ്സിൽ പുരോഗതി, ഏറ്റവും വേണ്ടപ്പെട്ടവരിൽ നിന്നും ഗുണാനുഭവങ്ങൾ എന്നിവ ഉണ്ടാകും. ദമ്പതികൾ തമ്മിൽ പരസ്പര വിശ്വാസവും സ്നേഹവും വർദ്ധിക്കും.
വൃശ്ചികം രാശി (വിശാഖം അവസാന കാൽഭാഗം, അനിഴം, തൃക്കേട്ട):
നിനച്ചിരിക്കാത്ത നേരത്തു ഭാഗ്യാനുഭവങ്ങൾ ഉണ്ടാവാനും അത് വഴി ധനനേട്ടം ഉണ്ടാവാനും സാധ്യത ഉണ്ട്. പുതിയ വസ്ത്രങ്ങൾ വാങ്ങാനും ധരിക്കാനും അവസരം ലഭിക്കും
ധനു രാശി (മൂലം, പൂരാടം, ഉത്രാടം ആദ്യ കാൽഭാഗം):
ആമാശയ സംബന്ധമായ അസുഖമുള്ളവർ വളരെയധികം ജാഗ്രത പാലിക്കുക വേണ്ടപ്പെട്ടവരിൽ നിന്നും തിക്താനുഭവങ്ങൾ ഉണ്ടാകും. ഏതെങ്കിലും പേപ്പറുകളിൽ ഒപ്പിടുമ്പോൾ വളരെയധികം സൂക്ഷിക്കുക ചതി വരാൻ സാധ്യതയുണ്ട്.
മകരം രാശി (ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യ പകുതിഭാഗം):
സ്വത്തു സംബന്ധമായോ സാമ്പത്തീക സംബന്ധമായോ കേസുകൾക്ക് പരാജയം നേരിടേണ്ടി വരും. ശത്രുക്കളെ കൊണ്ട് ഉപദ്രവം കൂടും. ഉദര രോഗം വരാം.
കുംഭം രാശി (അവിട്ടം അവസാന പകുതിഭാഗം, ചതയം, പൂരൂരുട്ടാതി ആദ്യ മുക്കാൽഭാഗം):
കുടുംബത്തിൽ മംഗളകരമായ കർമ്മങ്ങൾ നടക്കും. ദമ്പതികൾ തമ്മിൽ പരസ്പര വിശ്വാസവും സ്നേഹവും വർദ്ധിക്കും. പ്രേമ കാര്യങ്ങൾ പൂവണിയുക, വാഹന ഭാഗ്യം എന്നിവ ലഭിക്കും.
മീനം രാശി (പൂരൂരുട്ടാതി അവസാന കാൽഭാഗം, ഉതൃട്ടാതി, രേവതി):
കുടുംബസൗഖ്യം, ബന്ധുജനങ്ങളിൽ നിന്നും ഗുണാനുഭവങ്ങൾ എന്നിവ ഉണ്ടാകും. സൈന്യത്തിലും രാഷ്‌ട്രീയത്തിലും പ്രവർത്തിക്കുന്നവർക്ക് ശത്രു ഹാനി പ്രതീക്ഷിക്കാം. ധനനേട്ടം, കീർത്തി, തൊഴിൽ വിജയം എന്നിവ ഉണ്ടാകും
ജയറാണി ഈ വി.
WhatsApp No : 9746812212
(പാരമ്പര്യ ജ്യോതിഷ കുടുംബത്തിലെ അംഗം . ഇരുപതിലേറെ വർഷമായി ജ്യോതിഷം സംഖ്യാശാസ്ത്രം, വാസ്തു ആചാര അനുഷ്ഠാന വിഷയങ്ങൾ കൈകാര്യം ചെയ്യുന്നു)
