നടി പാർവതി വിവാഹിതയാകുന്നു: വരൻ ഹൈദരാബാദ് സ്വദേശി ബിസിനസുകാരൻ

തെന്നിന്ത്യൻ നടി പാർവതി നായർ വിവാഹിതയാകുന്നു. താരത്തിന്റെ വിവാഹ നിശ്ചയം കഴിഞ്ഞു. ഇതിന്റെ ചിത്രങ്ങൾ നടി തന്നെയാണ് പങ്കുവച്ചത്. ​മോഡലിം​ഗിലൂടെ സിനിമയിൽ എത്തിയ താരമാണ് പാർവതി നായർ. വികെ.പ്രകാശ് സംവിധാനം ചെയ്ത പോപ്പിൻസാണ് ആദ്യ ചിത്രം. പാർവതിയുടെ വരൻ ഹൈദരാബാദ് സ്വദേശിയും ബിസിനസുകാരനുമായ ആശ്രിതാണ്. തമിഴ്-തെലുങ്ക് രീതിയിലാകും വിവാഹം നടക്കുക.

ഫെബ്രുവരി ആറിനാണ് വിവാ​​ഹം ചെന്നൈയിൽ നടക്കുക. പിന്നീട് കേരളത്തിൽ ഒരു റിസപ്ഷൻ നടത്തുമെന്നും നടി വ്യക്തമാക്കി. ഒരു പാർട്ടിയിൽ വച്ചാണ് ഇരുവരും കാണുന്നതും പരിചയപ്പെടുന്നതും. പിന്നീട് ഡേറ്റിം​ഗ് ആരംഭിക്കുകയുമായിരുന്നു. എന്റെ പ്രണയത്തിനൊപ്പം ജീവിതം മറ്റൊരു ഘട്ടത്തിലേക്ക് കടക്കാൻ പോകുന്നു എന്ന് പറയുന്നതിൽ ഒരുപാട് സന്തോഷമുണ്ടെന്ന് നടി സോഷ്യൽ മീഡിയയിൽ കുറിച്ചു.

ആശ്രിതിന് സിനിമ മേഖലയുമായി യാതൊരു ബന്ധവുമില്ലെന്നും അവർ പറഞ്ഞു. ജയിംസ് ആൻഡ് ആലീസ്, നീരാളി, ഉത്തമ വില്ലൻ, സീതാക്കത്തി,നിമിർ, ​ഗോട്ട്,യക്ഷി, ഫെയ്ത്ഫുള്ളി യുവേഴ്‌സ്, നീ കൊ ഞാ ചാ എന്നിവയാണ് നടിയുടെ ശ്രദ്ധേയ ചിത്രങ്ങൾ.

Found my forever in a world that often feels unreal.

Through every twist and turn, he’s been my constant. ❤️

This new chapter begins with love, trust and gratitude. 💍#Engaged #ForeverReal #NewBeginnings pic.twitter.com/Ihy9Ua6wA9

— Parvati (@paro_nair) February 3, 2025