മുംബൈ:14 വയസ്സുള്ള പ്രായപൂർത്തിയാകാത്ത പെൺകുട്ടിയെ ബലാത്സംഗം ചെയ്തതിന് കേസെടുത്ത 24 വയസ്സുള്ള ഒരാൾക്ക് ബോംബെ ഹൈക്കോടതി ജാമ്യം അനുവദിച്ചു. പെണ്‍കുട്ടിയും അയാളും സ്വമേധയാ ഒരുമിച്ച് നാല് ദിവസം താമസിക്കുകയായിരുന്നു. പെണ്‍കുട്ടിക്ക് അവളുടെ പ്രവൃത്തിയുടെ അര്‍ഥം അറിയാന്‍ മതിയായ അറിവും കാര്യശേഷിയുമുണ്ടെന്ന് കോടതി നിരീക്ഷിച്ചു.
പ്രതിയുമായി ഉഭയസമ്മതപ്രകാരമുള്ള ബന്ധമാണുണ്ടായിരുന്നതെന്നും തന്റെ പ്രവൃത്തികളെക്കുറിച്ച് തനിക്ക് അറിയാമെന്നും പ്രതിക്കൊപ്പം 3 പകലും 3 രാത്രിയും ഒരുമിച്ച് താമസിച്ചുവെന്നും പെണ്‍കുട്ടി മൊഴി നല്‍കിയിരുന്നു. പെൺകുട്ടിയുടെ മൊഴികൾ ജസ്റ്റിസ് മിലിന്ദ് ജാദവിന്റെ ബെഞ്ച് പരിഗണിച്ചു.
നടന്ന പ്രവൃത്തി അക്രമാസക്തമല്ലെന്നും അപേക്ഷകന് മുമ്പ് ക്രിമിനൽ പശ്ചാത്തലമില്ലെന്നും കോടതി ചൂണ്ടിക്കാട്ടി, അത് കുറ്റം ലഘൂകരിക്കുന്ന ഘടകമായി വർത്തിച്ചു.
കൂടാതെ, 2019 ൽ 19 വയസ്സുള്ളപ്പോൾ അറസ്റ്റിലായ പ്രതി ഇതിനകം 5 വർഷവും 2 മാസവും 23 ദിവസവും ജയിലിൽ കഴിഞ്ഞിട്ടുണ്ട് എന്ന വസ്തുതയും കോടതി കണക്കിലെടുത്തിട്ടുണ്ട്.
