മാവോയിസ്റ്റ് ക്യാമ്പ് തകർത്തു, ആയുധങ്ങളും വെടിക്കോപ്പുകളും പിടിച്ചെടുത്ത് സുരക്ഷാ സേന

റായ്പൂർ: ഛത്തീസ്​ഗഡിൽ മാവോയിസ്റ്റ് ക്യാമ്പ് തകർത്ത് സുരക്ഷാസേന. നിരവധി ആയുധങ്ങളും സ്ഫോടകവസ്തുക്കളും പിടിച്ചെടുത്തു.

മാവോയിസ്റ്റ് വിരുദ്ധ ഓപ്പറേഷന്റെ ഭാ​ഗമായി സിആർപിഎഫിന്റെ 131-ാം ബറ്റാലിയനും കോബ്ര യൂണിറ്റിന്റെ 203-ാം ബറ്റാലിയനും ജില്ലാ സേനയും സംയുക്തമായി നടത്തിയ തെരച്ചിലിലാണ് ക്യാമ്പ് തകർത്തത്. ഛത്തീസ്​ഗഡിലെ സുക്മ ജില്ലയിലെ മേട്ട​ഗുഡയിൽ പുതിയതായി സ്ഥാപിച്ച ക്യാമ്പായിരുന്നു.

ഇന്ത്യൻനിർമിത തോക്കുകൾ, വെടിമരുന്ന്, ബൈനോക്കുലർ, 12 സിറിഞ്ചുകൾ, മാവോയിസ്റ്റ് യൂണിഫോമുകൾ, മാവോയിസ്റ്റ് ലേഖനങ്ങൾ, ഡയറികൾ, ഇലക്ട്രോണിക് ഉപകരണങ്ങൾ എന്നിവ ക്യാമ്പിൽ നിന്ന് കണ്ടെടുത്തതായി പൊലീസ് അറിയിച്ചു.

ചിന്റ​ഗുഫ പൊലീസ് സ്റ്റേഷൻ പരിധിയിലുള്ള ​ഗുന്ദ്രജ്​ഗുദേം ​ഗ്രാമത്തിന് സമീപമൊഴുകുന്ന ചിണ്ടവാ​ഗു നദിയുടെ അടുത്ത് സ്ഥിതിചെയ്യുന്ന വനമേഖലയിലാണ് ക്യാമ്പ് സ്ഥിതിചെയ്തിരുന്നത്.