കൊല്ലം: കടയ്‌ക്കലിൽ മുലപ്പാൽ തൊണ്ടയിൽ കുടുങ്ങി രണ്ട് മാസം പ്രായമായ കുഞ്ഞ് മരിച്ചു. പാങ്ങലുക്കാട് പാരിജാതത്തില്‍ സജിന്‍- റിനി ദമ്പതികളുടെ മകള്‍ അരിയാന യാണ് മരിച്ചത്. സംഭവത്തിൽ അസ്വാഭാവിക മരണത്തിന് കടയ്‌ക്കൽ പൊലീസ് കേസെടുത്തു.
കുഞ്ഞിന് പാൽ നൽകിയശേഷം റിനി ഭർത്താവുമായി വീഡിയോ കോൾ ചെയ്തിരിക്കുകയായിരുന്നു. ഇതിനിടയിലാണ് കുഞ്ഞിന് അനക്കമില്ലെന്ന് ശ്രദ്ധിക്കുന്നത്. ഉടൻതന്നെ കടയ്‌ക്കൽ താലൂക്ക് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
