തിരുവനന്തപുരം : സംസ്ഥാനത്തെ SSLC പരീക്ഷ ഇന്ന് അവസാനിക്കും. അവസാനദിവസത്തിലെ പരീക്ഷ ബയോളജിയാണ് . പ്ലസ് 2 പരീക്ഷ 27നും പ്ലസ് വണ്‍ പരീക്ഷ 29നുമാണ് അവസാനിക്കുന്നത്. ഒന്നുമുതല്‍ ഒന്‍പതുവരെ ക്ലാസുകളുടെ പരീക്ഷ അവസാനിക്കുന്നത് ഈ മാസം 27നാണ്. വി.എച്ച്.എസ്.ഇ വിഭാഗം പരീക്ഷ മാർച്ച് 29 നും പൂർത്തിയാവും.
ആഘോഷങ്ങള്‍ അതിരുകടന്നു അക്രമത്തിലേക്ക് നീങ്ങുന്നു എന്ന പരാതികള്‍ കണക്കിലെടുത്ത് പരീക്ഷ തീരുന്നദിവസമോ സ്കൂള്‍പൂട്ടുന്ന ദിവസമോ സ്കൂളുകളില്‍ ആഘോഷപരിപാടികള്‍ പാടില്ലെന്ന് വിദ്യാഭ്യാസ വകുപ്പ് ഉത്തരവിട്ടിട്ടുണ്ട്. പരീക്ഷ കഴിഞ്ഞ് കുട്ടികള്‍ കൂട്ടം കൂടുകയോ ആഘോഷം നടത്തുകയോ ചെയ്യുന്നില്ലെന്ന് അധ്യാപകര്‍ ഉറപ്പുവരുത്തണം എന്നും നിർദേശമുണ്ട്.
SSLC മൂല്യനിർണയം ഏപ്രിൽ 3 മുതൽ 26 വരെ ആയിരിക്കും.
