ജീവിത ചെലവിനെ പിടിച്ചുകെട്ടാൻ ടോയ്ലറ്റിനെ ബെഡ്റൂമാക്കി യുവതിയുടെ ജീവിതം സോഷ്യൽ മീഡിയയിൽ വൈറൽ. ചൈനയിലെ ഹുനാൻ സ്വദേശിയായ 18 കാരി യാങാണ് ലൈഫ് വ്ലോഗുകളാണ് ട്രെൻഡിംഗാകുന്നത്.
ഫർണിച്ചർ കടയിലാണ് യാങ് ജോലി ചെയ്യുന്നത്. പ്രതിമാസം 31,776 രൂപ (2,700 യുവാൻ) ശമ്പളം ലഭിക്കുന്നത്. നഗരത്തിലെ ഒരാളുടെ ശരാശരി ശമ്പളം 88,266 രൂപ (7,500 യുവാൻ) ആണ്. നഗരത്തിൽ മുറിയുടെ വാടകയാണെങ്കിൽ 9,415 രൂപ (800 യുവാൻ) മുതൽ 21,184 രൂപ (1,800 യുവാൻ) വരെയും. അങ്ങനെ നോക്കുമ്പോൾ യുവതിക്ക് തുച്ഛമായ ശമ്പളമാണ് ലഭിക്കുന്നത്. ഇതോടെയാണ് ബോസിനോട് ടോയ്ലറ്റിൽ താമസിക്കാനുള്ള അനുവാദം ചോദിച്ചത്. ആറ് ചതുരശ്ര മീറ്റർ വിസ്തീർണ്ണമുള്ള ഓഫീസ് ടോയ്ലറ്റിൽ താമസിക്കാൻ പ്രതിമാസം 588 രൂപയ്‌ക്ക് ഇരുവരും കരാർ ഉണ്ടാക്കി. ചൈനീസ് സോഷ്യൽ മീഡിയ പ്ലാറ്റ്‌ഫോമായ ഡൂയിനിൽ ടോയ്ലറ്റ് ലൈഫിനെ കുറിച്ച് പതിവായി എഴുതാറുണ്ട്. 16,000 ഫോളോവേഴ്‌സും ഉണ്ട്.
കടയുടെ പ്രവൃത്തി സമയത്ത് , ഉപഭോക്താക്കളും ജീവനക്കാരും ടോയ്ലറ്റ് ഉപയോഗിക്കും. ഈ സമയത്ത് യുവതി തന്റെ സാധാനങ്ങൾ പാക്ക് ചെയ്ത് മറ്റൊരിടത്ത് മാറ്റിവെക്കും. ഈ ജീവിതത്തിൽ താൻ സന്തുഷ്ടയാണെന്നും യുവതി പറയുന്നു. ഒരു നാൾ വീടും കാറും വാങ്ങാനുള്ള പണം താൻ സമ്പാദിക്കുമെന്ന പ്രതീക്ഷയും യാങ് പങ്കുവെക്കുന്നുണ്ട്.
