എറണാകുളം: കാക്കനാട് ജില്ലാ ജയിലില്‍ തടവുകാര്‍ തമ്മില്‍ സംഘര്‍ഷം. സംഘര്‍ഷത്തില്‍ ജയിൽ വാര്ഡന് അഖില്‍ മോഹന്റെ കൈക്ക് പരിക്കേറ്റു. ചൊവ്വാഴ്ച വൈകിട്ടാണ് സംഭവം.
പ്രതികള്‍ തമ്മില്‍ ഏറ്റുമുട്ടിയപ്പോള്‍ തടയാന്‍ എത്തിയ ജയില്‍ വാര്ഡന് പരിക്കേല്‍ക്കുകയുമായിരുന്നു എന്നാണ് റിപ്പോർട്ട് . അമ്പലമേട് പൊലീസ് സ്‌റ്റേഷനില്‍ പൊലീസുകാരെ ആക്രമിച്ച കേസിലെ പ്രതികളാണ് ജയിലില്‍ സംഘര്‍ഷമുണ്ടാക്കിയത്.
അഖില്‍ ഗണേഷ്, അജിത് ഗണേഷ് എന്നിവരാണ് തല്ലുണ്ടാക്കിയത്. ഇവർ മറ്റൊരു പ്രതിയെ ആക്രമിക്കുന്നത് തടഞ്ഞ അഖില്‍ മോഹന്റെ കൈ പിടിച്ച് തിരിച്ച് ഒടിക്കുകയായിരുന്നു. ജയില്‍ വാര്‍ഡന്റെ വിരലിന്റെ എല്ലിന് പൊട്ടലുണ്ട്. മറ്റു ജീവനക്കാരാണ് പ്രതികളെ പിടിച്ചു മാറ്റിയത്. പ്രതികൾ സഹോദരങ്ങളാണ് .
