തൃശ്ശൂർ:അതിരപ്പിള്ളിയിൽ കാട്ടാനയുടെ ആക്രമണത്തിൽ ആദിവാസി യുവാവ് കൊല്ലപ്പെട്ടു. അതിരപ്പിള്ളി അടിച്ചിൽതോട്ടിയിൽ ഊരിലെ തമ്പാന്റെ മകൻ സെബാസ്റ്റ്യൻ ആണ് കൊല്ലപ്പെട്ടത്. വനത്തിനുള്ളിൽ തേൻ ശേഖരിച്ച് മടങ്ങുന്നതിനിടെയാണ് ആക്രമണം.
ഈ മാസം ആറാം തിയ്യതി പാലക്കാട് മുണ്ടൂരിൽ കാട്ടാന ആക്രമണത്തിൽ കയറംക്കോട് സ്വദേശി അലൻ എന്ന യുവാവ് കൊല്ലപ്പെട്ടിരുന്നു. അമ്മയ്‌ക്കൊപ്പം കുടുംബവീട്ടിലേക്ക് പോവുന്നതിനിടെ ആന ആക്രമിക്കുകയും ചവിട്ടിക്കൊല്ലുകയുമായിരുന്നു. ആക്രമണത്തിൽ അലന്റെ അമ്മ വിജിക്ക് പരിക്കേറ്റിരുന്നു.
